يا شبل نايف

يابن نايف قاف شعري انثره وارجع والمه
لجل اسوي فيك عقد بالحسن ماله ولايف
حيث لك على مناط الفرقد المعروف همه
ولك وصوف من ندارتها تسطر بالصحايف
ياشبل نايف لأنك قمت في أكبر مهمه
وياشبل نايف لأنك في ضعوف الشعب رايف
انت فخر امه لانك صرت شخص بحجم أمه
ويشهد الله معك شعبك سيدي ماهوب خايف
بالتواضع انت قمه وانت بالاخلاق قمه
ياشبل نايف وفيك الجزل من اوصاف نايف
انت عون في رخا الدنيا وعون بالملمه
وانت سيف تقهر الارهاب من شتى الطوايف
كلمتك خلت عدوك تايه وسط المطمه
وانت ياسيف الشجاعة شامخ فوق النوايف
هيبتك خلت عدوك غارق في وسط دمه
هيبتك نار على عدواننا والكل شايف
يوم الارهابي على بلاده نفث بالمكر سمه
جته ضرباتك وولى ولا على مثله حسايف
والله انك نبع معروف ابد ماغار جمه
والله انك نادر بالوصف ياستر العفايف
وبالمكارم شبل نايف مثل غيث المدلهمه
سيلها مر يجيد يمه ومرات هتايف
آخذ هيبته من سطوة أبوه وحزم عمه
منهو اللي مثل هذا جامع جزل الوصايف؟
حطم ارهاب تولت كبره عقول مرمه
يوم احفاد ابن ملجم صاروا بنار الحتايف
ويا وطنا ماسمعنا فيك هراج بنمه
وكلنا لك يا وطنا بالوغى سيوف رهايف
ياوطنا انت للمليار مسلم صرت يمه
فيك بيت الله وترعى كل ساع به وطايف
ذا وطنا والمحبه للوطن منهج وذمه
هو ذرانا عدو مايخاف الله وحايف
السلام لمن يحبه والحروب لمن يذمه
وعنه نتلقى الرصاص الحي وكبار القذايف
قلتها في عهد شيخ رفعة الموطن تهمه
سيدي سلمان ريف الشعب بسنين عجايف
عطاالله سليمان العطاالله