عشتك خيال

وحلم واوهام وغياب
عشتك عمر شمسه توارت للمغيب
واليوم راسي من رداة الحظ شاب
واحلام عهدٍ فات داهمها المشيب
وامسيت اقول الظن في رجواه خاب
وانا احسبه في نور عيني ما يخيب
اللي تمنيته سنين ولي طاب
حسن وعقل واخلاق زايد ساس طيب
دونه حياتي بين حيره واكتئاب
لكن أجامل واقع الحال الكئيب
لاجله تجاهلت العذارى والصحاب
مالي بهدنيا ونيس ولا صحيب
وعن كامل وْصوفه سألت أبغى الجواب
اسمه وعنوانه ولكن لا مجيب
يا خلي الغايب سكني اغتراب
مهما ضحكت وقلت بغيابك غريب
والحين دام الوضع ما فيه اقتراب
ونهاية الرحله مشارفها قريب
عندي رساله وافيه دون ارتياب
هي بيت واحد يختصر معنى مريب
إن ما خفق قلبك لاحد مغرم وحاب
اعلم بأني لو لقيتك لك حبيب
لكن زمانك إن رجعنا للحساب
ما هو زماني يالغلا والله حسيب
عايض الميلبي