في خلاياي حبك يابلادي جرى والله إني بدونك مثل طفل(ن)يتيم حال بينه وبين أمه قفار وقرى كل رملك وطينك جنتي والنعيم والحياة الكريمه خيمتي بالعرى فيك عاشق موله فوق أديمك أهيم هيم وآلع طواه العشق ثم الكرى نفح هبة هبوبك طب جرح السقيم عزك الله عظيم الشان رب الورى ومن تعدى وباق الدار سافل ذميم لاعسى الله يبيحه من عثى وافترى تحت غبر النصايب في ظلام الرجيم في محله رهينه لين يوم البرى ياسنام العقيده كل فكر(ن)عقيم دونه سيوف تلمع مثل برق(ن)سرى كلناشيب والشبان خصم اللئيم والقياده حكيمه والحكم بالسرى حافظين الأمانه والشعب مستقيم وان دعانا سندنا يومها نظفرى نقصم ظهور الأعداء كل مارد أثيم من بطشنا الجبال الصم ترجع ورى مانهاب الرزايا شيخ واللي فطيم دون مهد الشريعه نرخص الأعمرى قولنا والفعايل من صميم الصميم والتواريخ تشهد من عصر حميرى يوم عج الذخاير يالعدو الزنيم صولنا صول عنتر قايد وعسكرى جحفل الضد يمسي من فعلنا عديم كن ماكان فوق اليابسه يذكرى نسقي العدو من كاس الردى والحميم حنا رمز المعارك والله اللي درى راية الحق نفديها ونفدي الزعيم سيد ملوك يعرب شيخنا القسورى صفنا صف واحد والولاء مستديم دامت الأرض وآل سعود منهم ذرى وعاش دار الكرامه تحت ظل الكريم شامخ شموخ جنده ثم جبال السرى
