مرثية في الملك عبدالله رحمة الله للشاعر مانع الملاطي

يالله ياكاتب على العبد الاجال
ياعالم مافي السنين وخفاها
عمر الاوادم جيل من بعده أجيال
سنتك فوق الخلق يمشي قضاها
نؤمن بحكمك ياعظيم له نساال
في ساعة ن عوج النصايب وراها
لاغرغرت الانفس وضاعن الامال
عيوننا لك ترتفع في رجاها
جيناك بذنوب خفيفات وثقال
يارب ترحمنا وتغفر خطاها
ماعاد ينفعنا ولدنا ولا المال
وشربة الما ماتقطع ضماها
يارب حسن ختامك وحسن الاعمال
ما عاد تنفعنا الحياه وحلاها
ماللكرى في مقلة العين مقيال
ودموعنا هلت من الحزن ماها
يبست شفايانا على فقد رجال
مليكنا الي فالنوايب ذراها
الله يجعل جنة الخلد منزال
للي سنينه لاجل شعبه قضاها
قدم لنا من عمره سنين طوال
خدم بيوت الله ووثق حماها
ميل عقاله بس فالعدل مامال
بانت فعوله فالظروف وقساها
مرحوم يابومتعب عداد ماسال
من غيمة تروي الديار... وثراها
وياقبر ابومتعب على كل الاحوال
ضميت رجل به شعوبه تباها
ضميت من يده للاجواد مدهال
كم يد تعطي من يديه وعطاها
عز الوطن باخوان نوره ولازال
نجومهم تلمع بعالي سماها
سلمان ياذرب الوصايف والافعال
شعوبنا تهديك كامل ولاها
انت الملك وابن الملك طيب الفال
العهد لك دام السنين ورحاها