هب الهوى من يمة الشرق نسناس جدد جروحن في ضميري قديمه ذكرت ماض لي من الوقت بحساس بحساس مرهف والمشاعر سقيمه غرواً ذكرته باهي العود مياس زاهي جماله فيه عزاً وشيمه عذب الحلايا ما مشى درب الانجاس ريماً تربى فالبيوت الحشيمه فيها الحسب فيها النسب ماله اقياس من راس قوم بالمكارم عظيمه بغيتها لكن على الباب حراس دونه شياطين البشر بالنميمه اللي على كسب الرديه والادناس منهاجها يالله عساه الحريمه حاولت مره ثانيه راس بالراس لكن مابه فود مابه غنيمه ودعتها والريق بالفم يباس حرقه على قلبي واحس الظليمه ودعتها والضيم في داخل الكاس اجرع مراره بالليال العقيمه لولا الحياء والدمع للرجل عوكاس لا اهل دمع فالمحاجر مقيمه