إرهاب الإرهاب ولى وانتهى دوره

دار السعودي عن الاشرار مصيونه
ما مثلها في جميع الكون مشهوره
في خدها الله عمر بيته على اركونه
تبقا بها قبلة الإسلام معموره
الدين منها وفيها كاحل نونه
وشعارها راية التوحيد منشوره
تبقالنا بالوفاء مهيب مهيونه
ارواحنا دونها ترخَص ومنصوره
عنها ومنها حدينا شر صهيونه
وارهاب الإرهاب ولى وانتهى دوره
ما عاد له شجرة بالسوس مسكونه
دسنا على شجرته وان بتتْ جذوره
بالعزم والحسم قفى لا تحسبونه
مادام وال الامر سلمان اخو نوره
الحاكم العادل العدوان يخشونه
بالفعل والراي ليث طالت شبوره
وايضا محمد ولي عهده وما مونه
وقت المهمات ربي يسر أموره
امن الوطن حافظه عن من يعادونه
ناس بها حقد والافكارمدموره
واللي معه ساعده حر تعرفونه
ولي ولي العهد فانجازه اسطوره
وزيرنا في الدفاع محمد بعونه
ماهاب درب الخطر مقباس ديجوره
قاد التحالف على من خابت اضنونه
الحوثي اللي وراه ضحية الثوره
مخلوع من منصبه ما عاد يبغونه
شعب اليمن حافظ دينه ودستوره
واليوم زاد التحالف واتسع شونه
وايضا وزير الدفاع محمد بشوره
هو قايده والامر صادر وتقرونه
في العالم اله صدى بالصوت والصوره
بالاسم مشهور والعنوان مضمونه
اسلامي وعسكري واعداه مثبوره
يضد ويصد كل إرهاب وبطونه
اللي به النشء والجهال مغّدوره
بافكار سئيه من الشيطان مشحونه
الله يحفظ الوطن ويعز اخو نوره
مشعل العصيمي