عواكيس

الاستاذ معوكس وبعدين ياخي مع التحكيم الآسيوي الله سلم ولا كان يرجع الهلال ونصف لاعبيه مصابين من خشونة لاعبي لخويا ولا حس ولا خبر من الحكم ؟
سالم الحسن - الرياض
- واثنينهم نقتف لنشيمورا!
*هلا ابو العواكيس بصراحة انت تشوف عقوبة الثلاثي الهارب من معسكر المنتخب مغلظة يوم وقوفوهم عن الاخضر واحسموا عليهم والا كنت تتوقعها أقسى مثل ماصار زمان؟
بندر العصاي - عنيزة
- زمان والله على ايام زمان اللي ماينفع معها وشوشة ولا انذار أخير!
*عزيزي معوكس كل عام وانت بخير مقدما بمناسبة عيد الاضحى المبارك وبودي أن أسألك سؤال شخصي اين ستقضي العيد ياترى بين الجبال والمناظر الخلابة في اوروبا.
أحمد الحمد - بريدة
-بين الخرفان وصبات شوارع الرياض!
* الناقد الساخر معوكس وين اللي بيجيب المحترف المغربي بوصوفه من كثر التصوير معه توقعنا يلعب اول مباراة والا الدعوى مثل ما صار مع فيقو وايتو
نادر القرني - جدة
- صور للذكرى ولا تستغرب اذا شفت ميسي ولا كريستانو؟!
* قاهرهم وحابس دمهم ابوالعواكيس ماعندك فكرة متى تنتهي فترة اتحاد الكرة الحالي وهل تتوقع أن تتغير الاسماء في الانتخابات الجديدة أم نرى اتحاد جديد ومختلف في قراراته؟
عبدالعزيز السعد - حي الازدهار
-أهم شي قراراته !
*صاحب المليون رسالة ابوالعواكيس انا ودي اعرف ليه إدارة الاتفاق تنازلت عن الزبيدي للاهلي ورفضت تتنازل عن محمد كنو للهلال؟
محمد الدوسري - الدمام
- يقولون ماعندنا محور من يوم اعتزل عيسى خليفه قبل 20 سنه!!
*الغالي معوكس هل لك في السينما والافلام الطويلة وهل تفضل الهندي ولا الامريكي ولا المكسيكي
مشعل العبدالمحسن - الرياض
- ابشرك عقب سنوات الضياع اعتزلت السينما والافلام العاطفية!
*الغالي معوكس وش رايك في الحكم المحلي اللي وقف ضد الفريق الذي يمثل الوطن يوم ذكر في تحليله أن الهدف تسلل وان المدافع مفروض ينطرد وتجاهل خشونة الفريق الآخر، وش يذكرك به
مشاري العتيبي - عفيف
- يذكرني بالنخلة ال.. اللي بطاطها في غير حوضها!
*هلا معوكس تعجبني صراحتك علشان كذا ودي تعلق على تصرف البرازيلي ديغاو قدام لخويا، ماتشوف انه يستاهل قرصة اذن؟
مرام الزرقاء - المجمعة
- اذن وانف وحنجرة ويعلق في الجسر المعلق ويحرم من مندي العريجا والشاورما!
*الاجمل والاملح معوكس ماتشوف ان دونيس خبص شوي قدام لخويا في مباراة الاياب لا من تشكيلته ولا من تغييراته؟
عامر السلوم - الرياض
-شوية خبص اللى بغت تنقلب على رأسه!
*السيد معوكس منذ عام 2012م والمنتخب السعودي في تراجع في المستويات الفنية بعدما كان بعبعا مخيفا للفرق والمنتخبات وتصور اخ معوكس تقام مباراة المنتخب ولا يوجد ناقل وطني الى هذا الحد وصلنا؟
عبدالله المطيري - الكويت
- يوجد ناقل جوي لكن الرحلة تأخرت ينتظرون الثلاثي الساهر!
*السيد معوكس الى هذه الدرجة اصبح اسم المدافع في الفريق الكبير مخيفا ولماذا يتضايق بعض الاعلاميين عند ذكر اسمه؟
ابونايف - عاشق حي المصيف
- ويقولون المعلقين جاهم تعميم عاجل عند ذكر التشكيل على طريقة (لاتزعلون الترف لا لا تزعلونه)!
*الصديق الخاص معوكس ودي أفهم وشلون لجنة الانضباط قبلت احتجاج الخليج على الفتح واحتسبت النتيجة للفتح فيما الاحتراف علقت على الموضوع ان موقف الفتح سليم وهذا على لسان رئيس اللجنة، شكل الطاسة ضايعة في اتحاد الكرة؟
سعد الدوسري
- بربسه ومطرسة وخيقي بيقي!