كان بيت الاسبوع الماضي للشاعر الكبير عساف بن عايض الغبيوي من الرياض حول اختيار الاصدقاء والذي يقول: وقد كان صدى البيت من الشعراء مافيه لا نخوه ولا فيه نوماس صحبة مصالح في رحاب الكراسي وتكشف لك الأيام وجهه مع الناس لا مال فيّ الظل والوقت قاسي واللي على دين الولي عرف وقياس في طاعة الرحمن عز ومراسي تبقى لو إن العرق للناس دساس أرسى من شموخ الجبال الرواسي ضمن عواد السناني - ينبع نق الشهم لي جيت تبغى من الناس رفيق دربن للمهمات راسي لاتنخدع في المرجله بهيكل البأس مظهر فخامه و معدنه من نحاس بعد المعرفه افحصه و حدد قياس حجمه من فهودن ولا بسأسي رجلن تشيله بالمتن تاج نوماس و رجلن مثل ما قلت منه المأسي سعود عبدالعزيز الهزاع - نعام لاشك للطيّب معزه ونوماس ياقف معك مثل الجبال الرواسي والا الردي يعزف على حلو الأجراس وإن دقت طبول الزمان انتكاسي ياليت به ميزان وعيار وقياس يميّز الرجال من كل خاسي أما تخاوي رفقة مابها انجاس والا اصفق الكفين ياسٍ بياسي جارالله بن فراج الفراج الشمري - الرياض مثله رزيل مارج فاقد احساس واضح طريقه ماعليه التباسي ناكر جميلك ماترفق ولا قاس جحّاد معروفك له اليوم ناسي هذا ولا اعمم على ساير الناس ياحيث منهم بالمواقيف راسي معرفته مثل الجواهر والالماس حافظ عليه وفي يمينك اساسي حمد عبدالله الوايلي - حوطة سدير ترى الصداقه طبعها طبع نوماس عنوانها المعروف صدق وساسي بالنفس تلمع لمعها مثل الالماس والصادق اللي قال هي تاج راسي صاحب صخي النفس لاباس لاباس تلقى وقوفه يوم وقت المقاسي وحذرا رفيق لايودك وحساس تكشف رفيق العمر يوم المساسي عبد المحسن بن محمد المحيسن - رياض الخبراء عساف ياعساف ياخوي لاباس طيرت عني النوم وطار النعاسي التيس تيس ولطمة التيس فالراس ولا الجحش مربوط وشد الركاسي وتد جحا تعرفه جملة الناس مالك ومال ملحسين التباسي العز واهل العز مبني على ساس مثل خشوم طويق وياعز راسي شجعان بن سعود العتيبي - الرياض يا صاحبي خلك حريص مع الناس خلك ثقيل كالجبال الرواسي اختر رفيقك بعد تمحيص وقياس والا ترى دعواك ترجع تعاسي درب الصداقه به مخاطر وحساس لا صار ما يبنى على خير ساسي واحذر ترى بعض البشر فيهم انجاس ما يقدر العشره كريه وقاسي علي رشيد الرشيد - رياض الخبراء الناس غير ولا خفى الناس أجناس أحد بطيبة قلب والبعض قاسي ومعاشرة بعض البشر كلها إفلاس أنت بصفة ويفتقد للحماس وتاجد نفوس عندها هم وإحساس القلب طيب كالجبال الرواسي ولا تصاحب أهل الحقد ذوليك الأنجاس واعرف ترا الأيام فيها مآسي محمد عبدالعزيز الخنيفر - أشيقر صاحب عريب الجد في كل مجلاس وابعد عن الغربان سود القلاسي ترى المعادن تختلف بعضها نحاس لا تصحب الأنذال هاك الخساسي فارق خبيث النفس ومدوم الاحساس واحذر من اللي يوشي احي باسي شر الخلايق ها في الطبع والساس يا جعل خشمه بالكنادر يداسي علي الزولاني الفيفي - بيشة هذي نصيحة وافهموا العلم يا ناس وترا الذهب غالي وخل النحاس مخاوى الردي ما فيه يا كود الإفلاس واللبس مطلب من حسين اللباسي وخلك من مخاوى الرجاجيل حساس من ناصحن تاتيك ولا تصير ناسي العلم جاك وفاهم العلم نبراس يقولها لك واحدن غير قاسي ريان محمد الخنيفر - أشيقر الناس ماهم واحد أطياف وجناس معادن منها الذهب والنحاس أحد عزيز قيمته قيمة ألماس له في سنام المجد أصل وساسي وحد ذليل تكرهه علية الناس في صحبته معرةٍ وانتكاسي تخير من الناس لك خير جلَّاس واعرف تر المرء بقرينه يقاسي عبداللطيف الحُمَيَّانِي - عنيزة خلك على ماقيل حذرن وحساس ماينفعك لاقلت سجيت ناسى ترى البشر فيهم ذهب فيهم انحاس والفرق واضح قلت غير امتواسى والي بنيت ابن العلاقه على ساس بس انتبه لايصيرفيها التماسى عندك خبر ان البشر عدت اجناس اخترصديقك قلت مافيه باسى سعد صنهات السهلي - الدرعيه واحدن على الدنيا عونً ونبراس واحدن هقيته ذهب يطلع نحآسي مثل الصديق الي لاضقت ينحاس ويزيد في ودك .....لاكنت نآسي هذا الخوي اللي تشريه بلماس وتزيد في ......وده بليا قيآسي ومثل الصديق الي بالظهر جساس ابعد عن دروبه ...وخليك قآسي فخريه الاحمد.......الرياض الصاحب اللي عرفته ترفع الراس هذا رفيقي عزوتي تاج راسي احرص عليه وعرفة الناس للناس ولابد من ظرف من الوقت قاسي الصحبه اللي ماتنومس تنوماس ياعل قلعه مالها اليوم ساسي ترى الردي دايم الدوم باتعاس ماينفعك يمكن يزيد المأسي خليف بن فهيد الحربي - الرياض والكفو في يمناك خوته نوماس ماله زمن يُمحى و عمرٍ قياسي ما تعرفه إلا ليا دقت اجراس ما هو ب وقت الحرب جاء له نعاسي ولا هو ب في بعض المواقيف حساس ما للمواقف غير رجلاٍ سياسي والصاحب ونعم على صدري لباس انا لباسه و اعتبرته لباسي عبدالعزيز بن مفراص المعاوي - بيشة بيت الاسبوع يكتبه الشاعر شجعان العتيبي من الرياض تضامنا مع اخواننا في بلدة القديح بالقطيف اثر الحادث الاجرامي الذ حدث في احد المساجد وعزاؤنا لذويهم ودعواتنا بأن يلهمهم الله الصبر والسلوان انه سميع مجيب.. ويقول البيت: حنا سعوديين سنه وشيعه متكاتفين ولا تفرقنا الاوباش
