مليكنا حاز الصفات النبيله

حي المليك اللي له الطيب عنوان
أبو فهد يا سعد من يلتجيله
وحياك يا فيض العطا غيث الامزان
حلّال صعبات الأمور الثقيله
سلام للي كنّه البدر لابان
مليكنا حاز الصفات النبيله
تفخر بها الدوله على طول الازمان
حليلةٍ يا حظها من حليله
حامينها بالدين من كل عدوان
حامينها بحد السيوف الصقيله
المرجله عذرا فحلها بليهان
يصمد إليا خان العميل بعميله
سلمان تسلم يا سلايل كحيلان
مليكنا اللي ما ندوّر بديله
ما يشبه لسلمان يا كود سلمان
أبو فهد يا حظ من يلتجيله
زبن الدخيل ليغدا الوقت خوّان
يدخل على سلمان يطلق سبيله
إن قيل لي منهو الجود سلمان
أبو الفهد وأخو الفهد ينعنيله
مفراص ماص من يعاديه خسران
والين من اللين لمن يشتكيله
طيبك تعدى الوصف يا نبع الاحسان
وعطاك مثل المزن صادق مخيله
عطاك مثل الغيث يا ذرب الايمان
هداج تيما بالسنين المحيله
موارده تروي ظما كل ظميان
صافي مصفى كل ظامي يجيله
ابن الامام اللي حكمها بميزان
على كتاب الله وسنة خليله
عبدالعزيز اللي بروغات الاذهان
مشى بها عدّل بها كل ميله
ثبّت قواعدها وشيّد لها اركان
امن جنابه عقب ماهي ذليله
اخوان نوره لنتخوا ثار بركان
بوجودهم تبرى نفوسٍ عليله
واختامها بعطور مسكٍ وريحان
أدعي يا عل اسنين عمرك طويله
زبن بن مفلح بن زبن الشمري