المليك اللي فعوله خالده تبقى مجيده

دقت الساعه ثنين وغنت الفرقا لحنها
والعرب كلٍ يدور للخبر ناسٍ وكيده
كل واحد قام يبحث والحقايق ماضمنها
بين كذب وبين صدق يحول علمٍ مايريده
اثر علم الموت لاجاء مثل من فكت رسنها
الله اكبر مسرعة ياتي قبل بث الجريده
ساع مادورت فالرادي ولا المعلن علنها
صحت من ما اوحيت كن القلب منزوع بحديده
المنايا سهمها لا طاح من بيروح منها
البن ادم في حكم من يجري الدم بوريده
حولت واخذت فهد لليوم حنا في حزنها
واجبرتنا نبكي من اسبابها دنيا مديده
غيبت سلطان واخذت نايف بلفت كفنها
اكسرتنا والنفوس المومنه بالله زهيده
وصبحتنا بالبروق وسرع ماهلت مزنها
والحقت فرقا الملوك اليوم في فرقا جديده
مات عبدالله وعبدالله حما الديره وامنها
المليك اللي فعوله خالده تبقى مجيده
الدموع اللي بعيني من غلات اللي سكنها
يا أبو متعب والله انك ياملكنا اكبر فقيده
الدموع اللي نهار الجمعه الديره ملنها
ترجمت معنى رحيلك والخلايق لك شهيده
حال كل المملكه في صمت طاويها حزنها
كل بيتٍ فيه صوت ينوح من حبه لسيده
شعب واحد فالجزيره والحزن كله مكنها
والله اني شايفه في عين من لا كب ديده
كل نفس جايها الموت وكرامتها دفنها
جعل روحك في جنان الخلد ياحصن العقيده
والولاء لله ول آل سعود حماية وطنها
في ذرا راية هل العوجاء وغنينا النشيده
وعن ولاء سلمان حنا مانتوخر في زمنها
في يمينك ياالملك سلمان وافعل ماتريده
من عهد جداننا اللي زادها طاسة لبنها
مخلصين لدولةٍ تحرص على البيت وتشيده
ولولي العهد مقرن بايعت ديره وابنها
والله انا بخير ومحمد ولد نايف عضيده
محمد بن عبدالله النفيعي
بني سعد