محاوره

وصل العطياني:
هلا مرحبا رحب الغلا يا ابراهيم
تحية شبابي (ن) مقابل شبابي
تفضل واخذ وزعتك بين المعازيم
وأنا أحسب حسابك وأنت تحسب حسابي
إبراهيم الشيخي:
يدوم البقا يامقدرين الملازيم
ملازيم ما تخفى عزاز الجنابي
انا وانت من ضمن الصفوف المقاديم
وفهم السؤال اول طريق الجوابي
وصل العطياني:
نشوف الخيال اللي سحابه مراديم
ولا ندري الله وش كتب فالسحابي
هل الوضح وأهل الصفر وأهل المجاهيم
يلمّونها ما وصّلوها النصابي
ابراهيم الشيخي:
تتالت بروقه في دير حرب وسليم
لكم رب يا سكان حي الروابي
نعرف الزيان بدون لجنة وتقييم
الاذواد تعرض والمحرّج يبابي
وصل العطياني:
عليهم مطر والاّ عليهم طرف غيم
ليا صرت تشرف فوق روس الهضابي
طلبناك تدعي للعيال الشغاميم
لكن البلا إن دعاك ما يستجابي
ابراهيم الشيخي:
والا ياخبيب الريم ماعاد بك ريم
على اتلى العهد راحت عشا للذيابي
انا يا وصل رحال انا ماني مقيم
ما ينحطّ عن خرج المطية زهابي
وصل العطياني:
أنا ويش لي فالهيم ومليّم الهيم
يلمّونها ويدينهم فالمخابي
ومن زايد الذمّة مسوّين تحكيم
ولا يرقبون الله شديد العقابي
ابراهيم الشيخي:
ما مثل الاصيل ولا شماغ المراسيم
لو ان المراجل بالغتر والثيابي
الاعمال يعرف فضلها بالخواتيم
لا فزعة رسول ولاشفاعة صحابي
وصل العطياني:
لا يغوونك اللي يقلبون المفاهيم
أنا أخبْرك أحرص من وليد الغرابي
الأيام يا بنادم حظوظ ومقاسيم
تبى تبتسم حتى مع أهل الكتابي
ابراهيم الشيخي:
انا ما يغوّيني ضعيف التعاليم
لو آسم قفاه بميسمٍ مادرا بي
لو اعدكم منكم وفيكم مظاليم
مظاليمكم كثر الحصى والترابي
وصل العطياني:
كثير الوسوم ونايشك لذعة وسَيم
وسَيمٍ فرق علباك بين العلابي
تجيك الظليمة يا ابراهيم والضيم
وحنا هل الناموس شِيب وشبابي
ابراهيم الشيخي:
ترى شرهة الظلما على برطم شريم
يموت الجمر وبريطم شريم نابي
انا اقول تكريمك لزهران تكريم
ولولا الخطا ما حدٍ يدل الصوابي