محاورة

عبدالله بن شايق
سلام من امحلف عند امحلف واثني الترحيب
تراحيبٍ نرددها باسم يامي وقحطاني
تفضل يالزلامي مرحبابك في محل الطيب
مع اني عاطفي وليا الشرف لا صرت عرجاني
رشيد الزلامي
هلا يامرحبا والك البقا واللي تصيب اتصيب
وانا خصمك وصاحبك القديم ولا تعداني
دروب القوم واجد وين ودك نتجه يا ذيب
ولا تنسى ترا فالمنطقه روقي وشيباني
عبدالله بن شايق
بعد شفتك تشيل معامله تبغى لها تعقيب
تباطاني لكن من يوم شفتك لا تباطاني
حرام الشعر يتعذب حرام الظلم والتعذيب
وشرهتها عليك ولا تقول فلان وفلاني
رشيد الزلامي
اقول الحرص واجب والعرب ما يعلمون الغيب
تمررها على واحد تحولها على الثاني
موقيها جبل ماني منزلها لبطن شعيب
ليا دورتني باطراف ضلع طويق تلقاني
عبدالله بن شايق
انا ماني وكيل ادم على العالم خطا ومصيب
ابجلس في المدرج واتفرج وامسك اللساني
ابسكت في زمان اللجلجه والبطش والتخريب
واببكي ما مضى ذيك الليال وذيك الازماني
رشيد الزلامي
تفرج ياولد شايق ولا فيها حرام وعيب
هذي صارت على شانك وذي صارت على شاني
اظنك صرت قذافي تعرف اللي بوسط الجيب
تبا بكره تحول لي ليا خوخن ورماني
عبدالله بن شايق
مدام الله عطاني مثلكم مال وحلال وصيب
بصوم وابعتكف حمد وشكر يوم الله اعطاني
ولا تفرح ليا تاب الشنب والله عطاه شنيب
تراي موصيٍ شايق على العتبان من داني
رشيد الزلامي
مدام انك وصلت المستوى مافيه شيء صعيب
لكنك لا تسويلي ملك في ثوب شيطاني
مدام ان الولد مثل الابو مافيه شك وريب
عسى ربي يخارج لا يجيله غيره اخواني
عبدالله بن شايق
صحيح عيال هدبا ما تقلط مع عيال هديب
وانا من فضل ربي ما سمو بالعجز جداني
بغت منكم تضيع ابل الرفاقة والضنون اتخيب
لكن البل وراها ضبعت(ن) رقطه وسوداني
رشيد الزلامي
يا قحطان العرب صيرو عرب لا ترجعون عريب
نحول منكم الشرهه على غامد زهراني