رشيد الزلامي ياتركي الفين نسمع عنك بعض الكلام ومطير ماودنا نشذب عراقيبها اما ليا جيتنا وقف .. ورد السلام ولا نكبناك نكبه مانت داريبها تركي الميزاني السر مدفون مابين اللحم والعظام واهل المواجيب ماننقص مواجيبها أنا سلامي عليكم .. مرةٍ كل عام واهل الهناديب ماتنفع هناديبها رشيد الزلامي انته من العام تخلطها حلال وحرام ماعاد لك قبلةٍ تعرف تصليبها تشيل عشرين طلقه ميته بالحزام وتزهب البندق العجرا وترميبها تركي الميزاني اللي يقول الحقيقه مايجيه الملام والنار يا كثر من يشعل مشاهيبها إن كان عين الزلامي مايجيها المنام من يرخي إذنه لهرج الناس يوحيبها رشيد الزلامي ترا معي حيلةٍ لمخالفين النظام والله لخليك يا تركي تهذريبها وإني لطاردك وسط المملكه شرق شام لين الطروق الرزيله ماتغنيبها تركي الميزاني أنته.. وانا.. كلنا متقاسمين الطعام لكن الايام لا تامن عواقيبها ياراعي الخشم خشمك لا يجيه العرام لحيتك تقديرها من قدر أشانيبها رشيد الزلامي الوقت يا شاعر المطران جاله سنام لكن عوجة رقبته.. وش نسويبها والحر يشبك بفرخٍ من فروخ الحمام يا طيبها يوم جابت صقر ياطيبها تركي الميزاني صل الفرايض وحج البيت واقض الصيام لا عاد سبحتك للعالم تواميبها النور يا شاعر الروقه.. يزيل الظلام وحنا صقور تعشيها مخاليبها رشيد الزلامي انتم قبيله لكن الطق فك اللحام مطير قوم خلقنا الله لتعذيبها سقناك من قلة الحره لغربي نعام ديار تصبح بها.. وديار تمسيبها تركي الميزاني أعرف عشيره واعرف الجمش واعرف جهام ياشيب عينك من المطران يا شيبها تحمد الله.. وريح فوق ريش النعام ضيوفكم ماتبا تجرح معازيبها رشيد الزلامي انته تعرف الدير.. لكن بياع خام ماغير تمشي وكل أرضٍ تعشيبها حنا ليا حميت الهيجا وحصل الزحام نشرب فناجيل خلق الله ونرميبها تركي الميزاني أنا من اهل الأشده في نهار الزحام رجليك ابا أنشدك من كسر عراقيبها ياهل الفناجيل جاكم ردها بالتمام من حول أهل المناصب من مناصيبها رشيد الزلامي صاحبك شايب لكن انته بسن الفطام أعرف علوم ماظن ألفين يدريبها والله يالولا حياي من الرجال الحشام لا قولها صح وآخليك تسريبها تركي الميزاني انته تحلم ولا غشتك غير الحلام راجع دفاترك تلقا في مكاتيبها وراك ما قلتها ياصاحبي من شمام حتى إن حملتك في ظهرك تزوزيبها رشيد الزلامي يامطير ماعاد ينفعكم شراب وطعام من يوم فارقتم أم الرمث وشعيبها قامت عليكم دروز ماتعرف الكلام وانتم كما العقرب اللي تلوي ذنيبها تركي الميزاني جدك توفي وفارق ناقشات الوشام وابوك شيب وهيبتنا يهذريبها
