صوت وصدى

ماني مسلّم جاي أرحّب وأهّلي=أنا المعزّب يا جناب المعازيب
يا مرحبا ترحيب بعضه بكّلي=وكلّه ببعضي يكتب أحلا التراحيب
ما غبت قصدي صد وإلا تغلّى=غيبة ظروف وكملتها المكاتيب
واليوم جيت... ومرحبا في محلي=والله يلعن طاري الشك والريب
والله يا ابو خالد ليا قلت قلّي=لا أقول لك عذرِ يطيّب ولا يطيب
أعرف خلف مشعان وأعرف مجلّي=عرف الهبايب.. للحمام الرعابيب
البارح خليفان عيّا يصلي=على النبي.. يوم أكثروا بالمناديب
ورحت.. ومراحي... بالفعل جايز لّي=وأقول يا رحمتك يا عالم الغيب
ولقيت ذيبِ له جديلِ مدلّي=وله مبسم خاثر... ولا له مخاليب
وطرا على محسن.. وبيتِ مولّي=الذيب ماله مفلجاتِ معاذيب
الذيب ما يمشط شعره.. ويهّلي=لا واهني من مرقده في حشا ذيب
الصدى:خلف المشعان..
بكَ..البقا.. ياللي بربعك تهلي=ماهي غريبه..وانت راعي مواجيب
من لايهلي فيك.. جعله يولي=ولا يذكر الا في... جزيرة سرنديب
رحبت فيني قبل ارحب لعلي=انسى زعل غيبتك.. يومانك اتغيب
مو مشكله.. بنسى واعدي واجلي=ولاهي كثيره من قليل.. العذاريب
نطلع من الترحيب وادخل على اللي=لو مابراسك شيب ، يطلع به الشيب
انا اعْرفك واعرف وذى (الهومدلي)=عرف الرمل.. للحية ام المساحيب
ترى المجلي غير عن (بامجلي)=لاتعتجل وافطن ترى النظرة اتصيب
اللي حصلك بالمناره... حصلي=سجن المناره.... مثل سجن الدواليب
يكفيك مالك بالحفر عن حولي=ذيبٍ على قولك.. (مذوبك تذويب)
بطّل.. هوالات.. الهبوط المظلي=ياالزير ماتلعب على.. خيك كليب
مقفي تعشى هناك.. مقبل تحلّي=حامض على بوزك.. تحلى على ذيب