يوم الوطن

يا أول الميزان تاريخ مشهور
يوم الوطن يوم التلاحم والإصرار
فيه انتذكر ماضي الوقت وعصور
يوم الوطن في ما مضى كله أخطار
ويوم القبايل بين ناحر ومنحور
وما يأمن الطرقي حياته بالأسفار
ومن الغبن والظلم كم مات مقهور
ومن الفقر والجوع ما نشعل النار
لين استتب الأمن وبليس مدحور
من فضل ربي ثم أخو نوره البار
عبدالعزيز اللي سرى يقطع البور
من دار أخو مريم معه عدة أنفار
لين استقر بنجد مع فجة النور
ورجع حكم جده على كامل الدار
وأسس وطن شامخ بالأمجاد مذكور
ووحد وطن له تلتفت كل الأنظار
واليوم سلمان الحزم عنده الدور
أبو فهد يكمل على الدرب مشوار
في خدمة البيتين سجل له سطور
وسع حرم مكة وطيبة لزوار
ولي عهد المملكة حامي السور
له موقفٍ ثابت وله عزم جبار
وله رؤية بعيدة وله فعل منظور
شبيه جده بالفعل وافي الاشبار
مرحوم من وحد وطنا ومغفور
ذنبه ومسكانه مع الناس الأبرار
وفي جنة الفردوس ينعم مع الحور
عبدالعزيز الفيصلي نسل الأحرار
يادار منك الشرق والغرب مبهور
وقف وصفق لك تحية ومقدار
ويادار حبك داخل القلب محفور
بصدور شعب المملكة صغار وكبار
في كل عام الشعب يفرح ومسرور
بمناسبة يوم الوطن قلت الأشعار
يا هاجسي وقف مجمل ومشكور
لجل الوطن شاعرك ما يقبل أعذار
وختامها صلو على منبع النور
شفيعنا في يوم زوغات الأبصار