ليل الشتاء

ياليل الشتاء ما طولك ياليل يامبطاك
على اللي عيونه ما تبا النوم من تالي
متى تنجلي ياليل والصبح فيه أفلاك
أبا رمي السبب وأرجي السعادة من الوالي
تغليت ياغالي وسيرة غلاك إغلاك
على ما مضى تستاهل أغليك يا غالي
أنا أغليك ياللي سيرة الحب ما تخفاك
تعرف الهوى وتميز المر والحالي
أنا أغليك ياللي ما تعشقت ذاك وذاك
ولا صارلك بين العرب رد وإبدالي
أنا أغليك ياللي كل ما هب لي طرياك
لو إنك بعيد الدار دايم على بالي
أجاهد هوى نفسي على رغبتك ورضاك
ولا أطيع بك واشي ولاهرج عذالي
عسى ربما يامن صنعك الولي وأنشاك
تميز على شقح البني بأربع أشكالي
تميز بعين وعنق ومبيسمٍ فتاك
وعود يميل مع الهوى حيث ما مالي
حبيبٍ لبيبٍ لعن أبو خاطرٍ ينساك
لو إنك تغلى والغلى سامرٍ حالي
حرام الوى ما تبع طريق الهوى لولاك
ولا ألفت نظر عيني على كل الأزوالي
دخيلك بجاه اللي على رغبته سواك
لما أدعاك مثل سهيل بالماكر العالي
على قيس ما كلفتني تشملن حسناك
وأنا سامحٍ يازين باللي تورالي