درة بحر

يا ليتني ما عرفت الحب بالمره
أعيش عمري بدون أحباب وحداني
واسلم من الحب لا خيره ولا شره
بلاش جمعة غلا وافراق خلاني
هذي سنة كلها ما شى على الجره
شوقي من الشرق يم الغرب سراني
أمشي مسافة ومد الصوت وآجره
وأقول من شاف لي مدعوج الأعياني
درة بحر ما يساويها ولا دره
من دونها الموج والعذال تحداني
حبه ذبحني وسم الحال ما سره
يجري مع الدم في قلبي وشرياني
أثر المحبه تعل القلب وتضره
حسبي عليها رمتني وسط الأحزاني
ما عاد أميز حلاة الحلو والمره
من حيث ما جاني الهوجاس وداني
في ناظري ضاق وسع الجو مع بره
وأصبحت قصة ما بين أفلان وفلاني
خل تركني ونفسه فيه مغتره
عساني أنساه دايم قبل ينساني
ويا ليتني ما عرفت الحب بالمره
وعيش عمري بدون أحباب وحداني