نحمد الله كل خير في بلدنا

شعبنا مرتاح وأمتنا سعيده
في ظلال اللي سعدهم من سعدنا
الملوك اللي قيادتها رشيده
الملوك اللي بهمتهم شهدنا
نهضةٍ بقياس مدتها فريده
عاش أبو متعب ملكنا هو سندنا
وعاش أبو خالد ولي عهده عضيده
وعاد عيدك يا بلدنا في رغدنا
كل عام يعود وأمجادك تليده
وعاد عيدك يابو متعب يا نجدنا
بالسعد والخير لأعوام عديده
وعاد عيدك يالبطل ولي عهدنا
يا عسى أيامك يا أبو خالد مديده
يا وطنا خاب ظن اللي حسدنا
دام عزك دوم وأيامك مجيده
والله إنا يا وطنا ما رقدنا
من يكيد الشر نجزاه ونكيده
وزمرة الارهاب ما توهي جلدنا
ما نحسب حساب لوجيه قريده
من ولادتها لها حنا وأدنا
ما تشكل غار حالات زهيده
بالسيوف لرؤوس طغمتها حصدنا
ما نخلي بالوطن منهم شريده
نحمد اللي له بتوحيده عبدنا
البلاد بخير والعيشة رغيده
شرعنا القرآن منهاجه عمدنا
حكمنا من منهجه شرع وعقيده
يا أبو متعب في سبيل الخير قدنا
مع خطا عبد العزيز نسير سيده
يا عساه مخلدن بجنان عدنا
مع سعود وفيصل بعيشه حميده
ومعه خالد مهتنى وأيضاً فهدنا
في جنان الخلد مع صالح عبيده
ماجد نايف العشاي العتيبي