لا تعذبني !!

اعترف لك واتأسف وارتجي منك الوصال
وارتجي منك التسامح وادري بقلبك حنون
وادري أنك ما تعاند لكن تحب الدلال
والظروف اللي حدتني كلها أحزان وتهون
لا تمادي في عذابي والعنا والشوق طال
ولا تعذبني كفاية لا تقول أنك تمون
وأدر إنك صرت غالي بس ما في احتمال
أزعلك وأرضيك وأنت تجرح القلب بطعون
يا غريب الطبع لا كثر السوالف ما تقال
دام تدري بالمواجع لا تروح بك الظنون
كيف تقسى.. كيف تنسى حبي وهذا السؤال
ودي أسمع منك ردك وآه يا ليتك تكون
مغرم وعاشق وهاوي والعنا ثقل الجبال
والهوى الغدار ما له يمكن شكلٍ ولون
يا ورود الحب غني واذكري صبري الرجال
واذكري صبراً مضالي وعلميهم يسمعون
وعلميهم ما مضا لي من يمين ومن شمالي
وعلميهم بالمحبة يا عساهم يفهمون
وانت يا للي ما آخذا عقلي ترى طال الجدال
طال وترى فيه غيرك يفهمون ويخدمون
يعني ما فيه أحد غيرك ولا مغريك الجمال؟
يعني بتعاند وتجفى.. واتغلى من تكون؟
يعني بعادك مصيبة.. لعنبوا ذل الرجال
ولعنبوا حظ رماني فيك وأصبحت مغبون
قلتلك وأعيد مره.. وأعرف أن الهرج طال
وأعرف أنك ما انت غالي ولا تقول إنك تمون