الله يعوضه خير

البارحة عديت روس المراقيب
وجريت لي مع هجعة الناس ونه
وحدي وأجاوب بالعوى عوية الذيب
وأبيح اللي وسط صدري أكنه
وأخويه اللي حارت إبه الاطابيب
يا عزتي له والليال أتعبنه
مرت ثلاث مع ثلاث شواحيب
ما اذكر نهار شفت به ضحك سنه
تكدرت عندي جميع المشاريب
من وقتي اللي صاير فيه لنه
أونس بكبدي مثل صلو المشاهيب
غدت من اللي صابها تقل شنه
الصدر ضاق وبان في راسي الشيب
ومن لا مني جعل المنايا يجنه
من لا كتب له طيب ما والله يطيب
والسقم والامراض للعبد سنه
يفرج له اللي عالم السر والغيب
الله يعوضه خير باللي مضنه
جعل السعاده والفرح بالعواقيب
الله يبدل له جحيمه بجنه