عبد الله بن عون

شاعر الأسبوع

الشاعر الكبير عبدالله بن نايف بن عون العتيبي.. من أبرز شعراء الخليج. شاعر عملاق في أسلوبه وفي معانيه. ذاعت شهرته مع رواد الشعر. تجد في شعره قوة التركيب وسلاسة المعنى.يعتبر هذا الشاعر من أعلام الشعر الشعبي في الجزيرة والخليج العربي، طرق جميع جوانب الشعر وبحوره.. وابدع واجاد فيها.. ساجل فطاحل الشعراء.. يطغى على اشعاره طابع الحكمة وكذلك الغزل العفيف..إليكم مقتطفات من أشعار هذا الشاعر العملاق..
يقول في إحدى قصائده:
بلادي من كرم ربي وجودها
على خيراتها كل حسدها
تجيها الناس من شتى الأماكن
تلوذ من المجاعه في رغدها
بلاد لو لغير الله عباده
فلا أحدٍ عاش فيها الا عبدها
ولا شك الخالق المعبود واحد
هو اللي مدها وارسى عمدها
ومن قصيدة يتذكر فيها أحوال الدنيا.. يقول:
دنيا تزول وما عليها يزولي
الباقي الله وأفضل الخلق مدام
يا حيف يا تفريقها للشمولي
تنشر بوارقها على كل مقدام
هاذي منازلهم خلي تهولي
ترثي لها في هاك الأيام الايام
عقب الجهام وعقب هاك النزولي
تقول ما حدٍ حل فيها ولا قام
طرفي بدمعه يوم اجيها همولي
تقرب ما حاضيبي والاني بملا
أما عن القهوة فيقول شاعرنا من قصيدة طويلة:
هات الدلال وهات من نقع الأوداق
وقم شق يا نياف للنار مشقوق
واروج تراي لشبّة النار عشاق
لعلى اسلي من غثاء البال واروق
كود يتوسع خاطري عقب ما ضاق
تراى أشوفه من ضحى اليوم مخنوق
قم سو فنجالٍ له القلب يشاق
ما هو بلا نين ولا هو بمحروق
امبهر مهتوشتن فيه الاذواق
البن والهيل الخضر فيه مسحوق
شاعرنا من أشهر هواة القنص وله باع طويل في هذا المجال.. عندما فقد طيره الحر قال قصيدة نختار منها:
واطيري اللي ما تحدد طلوعه
لا عتني الفجعه على ضيعته لوع
اخذت عنه وتل سبقه بفوعه
على خريشٍ ناحرت ليسر الجوع
تنحرت مبدأ سهيل بطلوعه
وصارت لي الحره عن الطرد قاموع
وبقيت بالدربيل أخطف سنوعه
واخفيت شوفه يصعد الجو بطلوع
أبيه يرجع مير صعب رجوعه
اصيح وارم اللوح في كل مرفوع
عندما رأى طير محبوس في غمارة سيارة قال قصيدة يتأسف لوضع هذا الطير أذكر منها هذه الأبيات:
يا طير ما حدك نصيبك على خير
وراك مسجونٍ بوسط الغماره
حسبي على اللي عزرو فيك تعزير
تكفح ويصلاك الحديد بحراره
حشرت اوحوش البر حتى العصافير
من يوم دور من وراها تجاره
مال الغشيم من الولع كود تدمير
دايم عماره صاير في دماره
يا ناقلين الطير من غير تقصير
حصيلكم منه التعب والخساره
أوفوا حقوق الطير وإلا اترك الطير
لا تظلمونه يا جداد الصقاره
من قصيدة غزلية نختار هذه الأبيات:
الله من قلبٍ رمع فيه رماع
واخلف يمومه عن طريق التسانيع
هجس رمع ماله عن القلب فزاع
عليه غاراته تشن المفازيع
يشري بقلبي كل ليلٍ ويبتاع
واله الجوارح خاضعات مطاويع
مركز غرامه بين محني الاضلاع
لا ناموا العربان سوى مشاري
ومن قصيدة غزلية قالها شاعرنا وهو في خارج البلاد نختار منها:
أنا غرب واللي خاطري منتحي له شرق
بعيدٍ وطن مضنون عيني عن أوطاني
حصل في غروب الشمس بيني وبينه فرق
عسى الله يقرب دار من حبه اشقاني
وأيضاً لذيذ النوم يسرق عيوني سرق
ذكرته بعيد وعافت النوم الاعيان
ومن قصيدة أخرى يقول:
هلا باللي نعش روحي بصوته
وهو شوفه غذا روحي وقوته
تفرقنا واحسب انه نساني
وطقتني وقوتي عن وقوته
بعد ما كان مندثرٍ هوانا
زهم واحيا غرامي بعد موت
ومن القصيدة الغزلية المشهورة (يامل قلب يسج وفيه دولاجه) نختار ما يلي:
يامل قلب يسج وفيه دولاجه
من هاجسٍ بالضماير قام يدرجها
في معزلٍ عن جميع الخلق وازعاجه
ما سمع من الناس لو تكثر لجالجها
مغير اهوجس تقول مضيع حاجه
واخذ واسند على روحي واهرجها
وادوج لو كان مارجلي بدواحه
ادله النفس لين الله يفرجه
ومن مراسلات شاعرنا نختار من قصيدة أسندها إلى الشاعر الكبير محمد خلف الخس المطيري، حيث يقول:
تفتحت بيبان قلبي بعد حول
كف العذل يا عاذلين معذولا
يا صاح كثر العذل واللوم مملول
ما يسمع المغرم نصايح جهولا
وكل على طبعه من الناس مجبول
والفرق واضح بين ذولا.. وذولا
أنا شريد الفكر والحال منحول
سليم جسم في ثياب معلول
إلى أن قال فيها:
عزاه يا محمد عن الحال مشكول
لا هنت شف لي يالمجرب حلولا
يابو خلف شف لي من الرأي مفتول
قدام لا يقف القمر بالافولا
وقد أجابه الشاعر الكبير محمد خلف الخس بقصيده طويله أذكر منها:
البارحه جفني جفا يا بن هدمول
لذ الكرى وش حيلتك وش تقولا
اليا قلت وش رايك ترى ما بها زعول
الراي دايم به صعود ونزولا
لا صار فكري يم ابن عون مشغول
هاك القبال اللي عسى ما يزول
نتمنى لشاعرنا التوفيق والنجاح.. وإلى اللقاء مع شاعر آخر.. ولكم تحياتي..