يستمتع المتذوق للشعر الشعبي حينما يقرأ أو يستمع إلى مساجلة بين شعراء كبار، يجد فيها قوة السبك وترابط القصيدة، وربما يرددها في أي زمان ومكان، وليس غريباً أن يحفظها خلال فترة وجيزة، وهذا ما يحدث لكثير من متذوقي ومتابعي وشعراء وجمهور يعشق هذا الموروث الجميل. حالنا كحال هؤلاء، فقد سمعنا وقرأنا عديدا من القصائد والأبيات الجزلة لعدد من فحول الشعراء، منهم من هو بالوجود -أطال الله أعمارهم- ومنهم من اختاره الله بجواره -رحمهم الله جميعاً-. من ضمن هذه المساجلات ما حدث بين الشاعرين الكبيرين محمد بن خلف الخس وعبدالله بن نايف بن عون. الصوت: عبدالله بن نايف بن عون تفتحت بيبان قلبي بعد حول كف العذل يا عاذلين معذولا ياصاح كثر العذل واللوم مملول ما يسمع المغرم نصائح جهولا وكلن على طبعه من الناس مجبول والفرق واضح بين ذولا وذولا أنا شريد الفكر والحال منحول سليمٍ جسم في ثياب معلولا دايم زعول ومني الفكر مذهول ارا الجلد وحصون صبري صمولا ياصاح اخذ مني عن الحال مدلول شيٍ لجا في ضيق جولي يجولا راحات قلبي ما تجي لي على النول حتى ولا من طيف خلي رسولا راعي جديل فوق الامتان مجدول دلال شيخ فوق ورك الذلولا العام جرحي من هوا البال مكتول واليوم عيني تفضحه بمهلولا ما اشوف غير مجمل الحفل مجمول في خاطري عن كل حيٍ يحولا ليا ضحك باللي كما صافي اللول بين الشفايا والكلام معسولا تخالهن وادٍ من الوسم مسيول ريضان قلبي عقب ماهي محولا ولو ناشني من فيض حسناه هملول يخضر قلبٍ من فواده جفولا عزاه يا محمد عن الوصل مشكول لاهنت شفلي يالمجرب حلولا يابو خلف شف لي من الراي مفتول قدام لايقف القمر بالأفولا ان ما تهيت منك الافراج بحلول عقب النهر ما ينورد للدحولا الصدى : رد الشاعر محمد بن خلف الخس البارحه جفني جفا يابن هدمول لذ الكرا وش حيلتك وش تقولا ليا قلت وش رايك ترا ما بها زعول الراي دايم به صعود ونزولا ليا صار فكري يم ابن عون مشغول هاك القبال اللي عسى ما يزولا انا اصله من فوق من تقطع الكول والا اتصل به هاتفي عجولا حيث ان ابو نايف له الحق مدبول فيما ملكت وما يديني تنولا راع الجواب اللي من الفكر معدول مافيه ما ينقال لولا ولولا كنه من الواحد وعشرين مزلول بيدين فنيٍ يسوي شكولا ياصيرف الجوهر تغزلك مقبول جعلك لمطلوبك من الله تنولا شعاك طفل غض مجمول مدلول اللي بنغماته غنوجٍ خجولا عجاب لعاب بالاوصاف مكمول مرن معك راضي ومرن زعولا مثله يخلي طيب الفكر بهلول من فقد عجاب المزوح الدجولا قبلك سميك قال يا احول يا احول خذن قلبه زاهيات الحجولا ما فيه قلبٍ عن هوا البيض معزول يا ابن الرجال الطيبين الفحولا اللي لهم في نجد تاريخ وفعول يوم القبايل تفتخر بالفعولا ان كان قلبك من عراويه منتول ياما وياما شال قلبك حمولا احمول حب اللي غذاهن من الشول بيض العواتق عايزات الدلولا اللي ليا مرن وانا القاع ماهول غضن وفي عيونهن تقل حولا وانا تراي مبيدن هجن ونعول مع دربهن يوم اسطفاق النزولا هذا الصحيح وبيننا الشك مزيول ياللي فوادك للموده ميولا ان كان خلك واقف دونه شمول شمول تقول ابعد وحنا به اولا محجرين ودونه السيف مسلول والعين دون مغيزل العين شولا وانته على حسن النبا ضايق الجول والباب دونه مغلق بالقفولا عليك باللي من زبنهم مشا طول حكام نجد مطوعين العيولا ان كان قاموا فيه صاحبك مكفول ما والله اذكر غير هذا حلولا ماهوب وقت مصافق خيول بخيول اليوم حكامٍ وححمٍ عدولا ابن عون
