فخر.. الرجال!

جت تبي رايي وتسأل عن فلان اللي خطبها
قالت انه عسكري ورتبته رتبة نقيب
قلت وش لك بالمراكز وش يهمك في رتبها
المهم يكون قلبه للوطن عزه وطيب
المراتب ما تنزل والا ترفع من كسبها
الفعل وحده هو اللي يكسب الراي المصيب
وفي رجال الأمن شفنا للمثايل من ضربها
كيف كانوا عن وطنا مثل شمس ما تغيب
يوم جت للوقفه اللي كل صامل يحتبطها
وقفوا في وجه ناسٍ فكرهم عنا غريب
وقفوا يوم الشدايد جت تدور عن عربها
واثبتوا أنهم رجال فكل ميقافٍ عصيب
ارفعي راسك وقولي ذا مني الروح وطلبها
وافخري لا صار بيتك فيه رجالٍ مهيب
ما يفكر في حياته وما يحسب لو حسبها
وفي شعاره شي واحد الوطن أغلى حبيب
هذا هو فخر الرجال وما يهمك في رتبها
حتى لو هو جندي عادي ورتبته ما هي نقيب