هيبة ملك

تناصفت العمر واللي خذيت من الزمان سنين
على قل السنين الا انها باللي قضيت سمان
تعلمنا من السبعة شهور اللي سنة تسعين
وطن عيت تنسينا غيابه نعمة النسيان
وعرفنا موقف الطيب لا من جار الزمان الشين
وشفنا الفزعة اللي تشهد إن به في اللزوم أخوان
قنانا الطيب ونحفظ الوفا ما دامنا حيين
وتعاهدنا على الإحسان ما يجزى بغير إحسان
ولا نجهل خيانة غادرٍ يلعب على الحبلين
عميل إيران لا من قام يدافع عن حقوق إيران
الى من ذمته بارت وشفنا في ولاه يبين
رفيقك مايبور وموقفه وقت الشدايد حان
ف إلى منه دعى للشر داعي شر قلنا وين
وقفنا دون حد المملكة بالمحزم المليان
إلى منه تفرع في الشجر بين الغصون غصين
قلعنا جذورها واجتثه الشجره مع الاغصان
تعوذنا من الفتنه ومن عدا حدود البين
صبرنا لين شفنا صبرنا بيد العميل يهان
باسم دولة «صباح العز» واسم اخوانه الوافين
واسم شعب حفظ للملكه ميقافها اللي بان
سلام الله سلامٍ سيق لك ياخادم البيتين
سلامٍ ساقه الشعب الكويتي للملك سلمان
سلامٍ فيه من نبل المشاعر ماتبي تبيين
سلامٍ بينٍ فيه الولا والقدر والصفطان
يفيض بماحوى عد القريحه والقريحه عين
على جال القصيد اروى شرايد ندر القيفان
مشاعر شاعرٍ مايختصرها البيت والبيتين
ولا يوفي ملكنا لو كتبت من الشعر ديوان
هذا سيف العرب ذخر الزمن حامي حقوق الدين
على روس العدا سلطه والى منه مضى شامان
زعيمٍ لا وقف للمعضلات القاسيات تلين
تحت هامة شموخه تنتهي ماكن شيٍ كان
حكيمٍ راجحٍ يفصل برايه لا إختلف رايين
صليب الشور شوره لاتقدا يرجح الميزان
عطاه الله محبة شعبه وشعبه له موالين
لان الشعب وافي والحكم يبغي مثل سلمان
وقف ميقافه البين للأقصى وانتصر للدين
صلاة العصر صلوها العرب غصبٍ على العدوان
ولي عهده عضيده صامل الوقفه سرور العين
وريث المجد عوق الضد الى كبرت وسيع بطان
حفيد موحد الامه حفيد موسع الحدين
شبيه معزي وهامة شموخ موحد الاوطان
شبه عبدالعزيز ولا اختصر في لمحة الوجهين
شبه باس وشبه فعل وشبه حكمه وعزم وشان
انا لا قلت يامحمد عريب الساس والجدين
لحقني بك فخر ياسلالة الامجاد والفرسان
تفاخر بك بلادك ياسندها في القسى واللين
وتباشربك شعوبٍ تستغيث الامن والايمان
وتزهم وقفتك صنعاء عقب ما جاروا العادين
اللين استامنت بك ياسعدها وأمنت بيحان
يهمك هم الامه والسعي في اصلاح ذات البين
بذلت اللي بذلته من مساعي والكريم معان
ذهلت العالم بعلمك وحلمك مابعد عشرين
تعانقنت الصداره واصبح اسمك للفخر عنوان
لو ان مثلك على وجه البسيطه يالعديم ثنين
ماحد يذكر على وجه البسيطه مسلم منهان
دعا الله الملك عبدالله وقلنا اللهم امين
عساك تحكم ارضك والله يطول عمر سلمان
على مايرضي الله والعباد و خدمة البيتين
وعلى نهج الشريعه والملوك مثبتت الاركان
لكن ياسيدي قبل الختام ابختم بشطرين
تترجم كل ماقلته وتثبت للولا برهان
ترى الشعب الكويتي والسعودي ما هم بشعبين
ما أقوله قاله التاريخ والتاريخ قال إخوان