أصوات حبك

يا جروح قلبٍ في الحشا من يداويك
زادت على قلبي هموم وتوالت
وينك حبيبي وين غابت لياليك
البعد ودمعت الشوق سالت
غايب وانا في خاطري دايم اطريك
اصوات حبك بالضماير تعالت
كل المشاعر في خفوقي تناديك
واشواق قلبي هزها الشوق مالت
تطلب حنانٍ عاشته بين اياديك
طالت سنين العمر يازين طالت
مشتاق لك يازين مشتاق ماضيك
كيف الليالي دون شوفتك حالت
اتخيلك واشوف طيفك واناجيك
محبتك في داخل القلب نالت
نالت وسام الحب وما ظن واناجيك
لو تنطق جروح الحشا كان قالت
الله واكبر يازمن كيف ابقضيك
ياما ضلوع الصدر بالحمل شالت
بين الحنايا شالت هموم ترجيك
ترجي وصالك ترجي ايام زالت
قلي متى؟ لا تنسحب من مباديك
عبدالله ماجد الحقباني