شفني هنا اتعب واسافر للأطلال

احيان اقول اني بدونك شقي حال
واحيان ابرّر للمحاني فلا اخطيت
شفني هنا اتعب واسافر للأطلال
واعذر خفوقي والعناء لو تباطيت
ياشين فرقى من تحبه الى طال
وياما من دلال الغلا قد تقهويت
ترى الغياب ان طال ما يبري الحال
اقبلت لك مشتاق والمشكل اقفيت
الدرب موحش والجفاء ضيق انهال
يكفي تراك بجد عن عنيني ابطيت
انا الغريق اللي يبي يوصل الجال
وانا الصويب اللي حشا ماتشافيت
من سبتك شفني بلا فيء وظلال
وانت المريح اللي عليّ كن ما اخطيت
اسافر بدنياك واعيشك آمال
والطيفك ازهم ياعسى يقول لي جيت
وينك حبيبي والمنى طيف يختال
والصدر باسبابك له اليوم تنهيت
وان شفتكم تبدّل الحال بأحوال
طلي تراني من عناء الوقت مليت
اهواك واهوى شوفتك وانتي لحال
متربعه في قلب خلّك ولك بيت
مكانك اللي بالمحاني ولازال
مهما يطول الصد مهما تناسيت
Your browser does not support the video tag.