يا موطني يبقى علمك الخضر فوق

يا الله يا قاوي على كل مخلوق
احفظ بلدنا من عمل ناس الارهاب
احفظ بلدنا من عمل كل مطفوق
من شلة حادت عن الشرع وكتاب
قوم عواطفهم بنوها على البوق
واستسهلوا دم بري ماله أسباب
مدري عجزت أعرف لهم سلم وطروق
لا شك مسعاهم على نهج الاخراب
يا موطني يبقى علمك الخضر فوق
مهما خفافيش الدجى صارت احزاب
وحنا رجالك حزة الضيق لك طوق
ما يحرك شموخك عمل كل مرتاب
في ظل من قادك على خير واوفوق
بارواحنا نفديك في وقت الانشاب
حكامنا عزك وهم للعدو عوق
اللي حمو بيت الولي رب الارباب
على الشريعة نهجهم نهج موثوق
ومنهو زبنهم ساعة العسر ما خاب
يالمفسدين اعمالكم كلها فسوق
وانا احمد الله عرشكم طاح وانصاب
ارض الشريعة ما بقى غروب وشروق
دب الزمن هي عزوة اجناب واصحاب
ما راح فيها تثر افعال ممحوق
محفوظة من كل طاغي وكذاب
عشرة على درب التهاليك جو سوق
يا زبن ذبحة مفسد ما له احباب
قلته وانا من فعلهم حيل محروق
لكن باسم ربي يهونن الاصعاب
عسى تنام وتانس بنومها الموق
لا قيل زالوا ما يعيشون بتراب
واخر كلامي عد ما لاحت بروق
وعداد ما هبت ذعاذيع هباب
صلاة ربي للنبي خير ماثوق
اللي دعانا للفضائل والآداب
سلامة عواد الجضيعي العنزي /الجوف