أمر الهوى

الله نهى خلقه عن امر القطاعة
ياللي ليا راعيت تضحك لك القاع
عقل وجمال وفي كلامك وقاعه
اللي فرس قلبي وفي عينه اشعاع
شعاع عينه صاب قلبي ولاعه
وطعون رمحه بالجسم صارت وساع
جرح الهوى ما يفيد فيه الإشاعه
وغديت انا مصدر ومارد للاوجاع
راسي من الازمة تشدد صداعه
واصبحت انا للضيم والحزن مرباع
النفس اهديها وزاد اندفاعه
والمشكلة كان الامل بيننا ضاع
ان ضاع ضاعت حسبتي في ضياعه
ابا نتحر كان الزمن صار خداع
ما عاد عندي في حياتي قناعه
من بعدها ما بقي عندي اطماع
واللي عذلني ما استطيع استماعه
خلو ضميري في بلاويه ملتاع
الضغط عندي زاد فيه ارتفاعه
شربت مر السم من ناب فعفاع
امر الهوى ما فيه فعل وشجاعه
قلبي لها وافي ومخلص ومطواع
عصيت كل الناس والقلب طاعه
فهاد محمد الشمري