مراكز التفتيش

هذه القصيدة تعبير عن المشاعر أثناء كثرة مراكز التفتيش بأسباب حدوث الأعمال الإرهابية في وطننا الغالي التي وقانا الله من شرها ثم بفضل جهود القيادة الحكيمة ورجال الأمن والشعب في القضاء على الفئة الضالة ..
امر حكومتنا على العين والراس
مراكز التفتيش لو وقفتنا
لو ننتظر ساعات واخماس واسداس
وقفه قصيرة عمرها ما انقصتنا
الا تزيد قلوبنا صدق واحساس
يوم العيون الساهره ريحتنا
سلطة على من راد بالامن بمساس
ارواحهم دون المواطن فدتنا
الله يقويهم على باذي الناس
اهل الافكار الضايعه اشغلتنا
بيض مرج ما له دعيه ولا ساس
وجلست افكر ساسها منين جتنا
منها تبرأ الشيخ والطفل والراس
وحنا تفاجأنا الخبر وبتلتنا
كيف الولد ابن البلد يهدم الساس
وصلتبه افكار الغزاه وغزتنا
لما تسمم عنده الفكر وانداس
وعكسيته صارت على عامرتنا
يلقا الجزاء ما يلحقه ظلم وألباس
حكم الشريعة تصدره محكمتنا
وانكان حب الراس للساع مانداس
والله ما هزوا شعره من شعرتنا
صم الصفى ما هو مثل حمر الاطعاس
ليا تماسك حضرنا وباديتنا
نبي نشيل اجذورها بحد الامواس
وناطا على روس الطغاه بساعتنا
واجب علينا اجماع عن كل وسواس
ونثني اليا من البلاوي بلتنا
حبله قصير ومنزله حدر الاضراس
لو اتقى ساعه يجيبه بختنا
وترى الوطن ما جابته حبت الراس
شعب وحكومه وتاجنا مملكتنا
راح الجهل والظلم واحباط الانفاس
يومن ابو تركي اشبوره ولتنا
بعود القنا والسيف ومعبره الماس
ليا ولعو نار الهب ما بهتنا
ناطا على روس الجماجم بالاتراس
شامت لبو تركي وحنا غذتنا
وعيب على اللي في هكا الوقت ينلاس
خوض المعارك اليا تدالت ثبتنا
وان فرعن البيض وشالن عن الراس
وان صفقن بكفوفهن شجعتنا
ودارت معاركهم على كل عرماس
وضرب الثميدي اليا امطرت من جهتنا
لما صفت نجد العريبه من الانجاس
وشوف شينين النوايا نوتنا
انما تصدينا لهم بحزم واقواس
والا تخيب الام اللي ارضعتنا
من شذ ياخذ له مع البيد مرواس
وان قاوعت نجواه يجني اثمرتنا
اللي بطوعه يشرب السم بالكاس
عبرت حسوفة حزنهم ضحكتنا
الله عطاكم عقل وعيون واحساس
يا مشوهين الدين ما انتم احلتنا
الدين عنكم بعد قطه ومدراس
وارياكم العميا تراها ازعلتنا
قتل النفوس الغافله ذنب وافلاس
وش ذنب طفل عبرته حزنتنا
خلوه بشوفة والده يطوي الياس
وحنا عليها ومثلها ما سكتنا
وجدان يزهاها الذهب ولبس اللماس
نبكي عليها والدموع اغرقتنا
نزل عليها السور من قاعت الساس
بين القلوب الغاليه فارقتنا
وش ذنبها وش ذنب غيرها من الناس
نفسن بكيناها ونفسن بكتنا
سودا عليهم مظلمه كنها الطاس
تنصى الوجيه الداميه ما نصتنا
وبلادنا من الله لها عيون حراس
ليا تاه ابونا علمت والدتنا
واللي بجوف القدر يكفيه ملاس
لا ما يبين ويجتنب مظلمتنا
ومكه وطيبه فالملا ما لها اجناس
ومن حظنا يوم انها بناحيتنا
يجيلها الزوار من كل مرماس
خاضوا البحر بسفنها لين جتنا
وادوا مناسكهم بسهوله ونوماس
ويدعو لكم بالخير ليا وادعتنا
بحسن الضيافه والوفاء جد واخلاس
ما هي سماسر شلة فجرتنا
وحكامنا آل سعود ساس على ساس
ومقرهم بقلوبنا وعاصمتنا
اخوان نوره ذكرهم يرفع الراس
جبال بذراها وظلها ظللتنا
حلوين مرين بهم اللين والباس
أسود ليث وبالجزيرة حمتنا