شامخة يا بلادي

لا تهان ابه الوزاره ولا هان الوزير
والوسام اللي على صدرها عز وفخر
ذاك هو نايف ونعم الوزاره والامير
درعنا الضافي ليا دق ناقوس الخطر
نتقي به ونتذراه من برد وهجير
والرجال اللي معه دايم عزوة ظفر
نفتخر فيهم من اصغر موظف لا المدير
العيون الساهره جو ولّا ارض وبحر
حافظين امن الوطن دوم باخلاص وضمير
طاعة لله ثم طاعة ولاة الأمر
يا رجال الامن دايم لكم فضل كبير
قوة ايمان وعزيمة رجال تدّهر
كلنا ثم كلنا.. كلنا مهما يصير
واقفين جنبكم ومعكم خير وشر
والاسود الضاريه ما يخوفها الصفير
والثعالب ما تسود بحيلها والمكر
انكشف ستر الضلاله عن الوجه الحقير
والفئة فشلت وبيّن هدفها المستتر
يا بلادي شامخه فوق كل امر صغير
ما يهزك فكر لعداء ولا اعمال البقر
كلنا لك ليتبرى شوير من شوير
نحتميك بذايب النار والموت الحمر
في ذرا الله ثم ذرا العود حلال العسير
الفهد بقيادته وصل سيرك للقمر
والولي اللي على العهد ابو سيفٍ شطير
ذاك عبد الله عضيد الفهد حُر شهر
والنيابه عند سلطان سلطان الخبير
دون حدك ليدعى الصوت سدٍ من حجر
في حمى آل سعود بالعز واثقة المسير
يا بلادي يا بلادي على الدرب الخضر