دموع.. ومشاريه

للغياب جروح ودموع ومشاريه وضحايا
والصباح اللي يبشرني بشوفتها ضحيه
جيت أقدم للغرام الممتلي فيني هدايا
ما لقيت إلا المكان اللي يذكرني هديه
الحزين اللي يبادلني بترديد التحايا
لا سلام الله عليه ولا على مثله تحيه
ذيك بنتٍ من غلاها ضاقت صدور الصبايا
ذيك بنت من حلاها ما ملى عيني صبيه
كل ما أذكر سالفتها والغلا ولا الوصايا
صاح جرحي يا محمد لا تفرط فالوصيه
أه من جور الزمان اللي خذا ذيك العطايا
لين ما باقي سوى دمعي وتنهيدي عطيه
دامها للبعد راحت مرحب يأول شقايا
مرحبا بك في عيون عمرها كله شقيه
المشاعر ما تعد وتنحسب ذنب وخطايا
ولا أنا عمري قضيته من خطيه في خطيه
هيه يا للي ضاع وقتك بين شرهات وزرايا
ما نبي لك لا سلام ولا كلام ولا زريه
النوايا والله الله في مغاتير النوايا
والإله اللي خلقنا عالم في كل نيه