زمان أول

يا حزم ياللي زمان أول معدّينه
اليوم يا حزم جيتك عزم عانيّه
في هامتك يا أبرق المرقاب مبدينه
رب الخلا والخلايق خابر النيّه
الراعد اللي رعد جتنا ودادينه
أسقت عيون الثرى مزنه شماليه
وطاروقنا اللي ورى الخلفات حادينه
هاب أشهب القشع بديار خلاويه
ودّه بنبت الحيا خضرا عبادينه
ورقروقه اللي نبت حول الزبيديه
يالله دخيلك من البرد وميادينه
القيظ قفَّى وجات المربعانيه
أول برود الشتا بالفرو بادينه
وآخر برود الشتا ماتت به الفيّه
كلٍ على جال ناره صفّ عودينه
وأنا لقيت الدفا بأبيات نجديه
أحدٍ تجمّل ووهجر نار جدّينه
وأحد تردَّى وفاخت ناره الحيّه
وأحدٍ ردي وجدَّينه مردِّينه
لو هو فعل طيب طيبه جاب له سيّه
يا ميت النار دفّ الضيف وايدينيه
يا بارد العين وينك والعروبيه
وياللّه دخيلك من البرد وميادينه
والقيظ مع كنتّه والمربعانيه