فؤاد الصب

وقف قلب الصويب ومات، مات وما أظنه تاب
تعذر للغلا واقفى وباقي به شوية حب
وفاته ماهي بدمٍ نزف والا بعضه داب
وفاته يرحمه ربي سبايبها فؤاد الصبّ
ترك سرب الحمام يترجم احساسه حنين وغاب
يحب ويعشق ويغرق محبه والضلوع تشب
لاجل عين المسافه عانق السرب الغمام وذاب
وقف لامر الهوى تقدير.. والطاعة بذرها حب
كتب آخر حروف العشق، سجل للجحود غياب
نبت عشب وصدق كذب وعلا سرب وتعافى قلب
عرفت ان الهوي حاكم وحكمه والجنون انساب
والأرض ان ما سقيناها مشاعر ما يطيح رطب
أبد ما هو بجرح اللي اذا سرّه زمانه طاب
وما هي عين ها اللي ما تكب من المحاجر كبّ
وقلبٍ ما غزاه من المحبة ريح ما له باب
وحبٍ ما يجيك من اولك لآخرك ما هو حب