محاورة

هذه المحاورة جرت بين الشاعرين عبدالعزيز البادي وحمد المغيولي رحمهما الله.
* عبدالعزيز:
تسمع للوسيمه والمحطه كلها تشويش
سلام الله عليكم ردة منشاه من جاشي
لك الله ودي العب مير لو دورت ما عنديش
قريص الداب لا شاف الحبل بالليل ينحاشي
* حمد:
سمعت السالفة ياللي تشوش من هجوسك ليش
الا يا مرحبا ما هل هملول من الناشي
الى ما بديت لك عوج السوالف فا أنت لا تبديش
ولا لك صالح من طول مطراشك ومطراشي
* عبدالعزيز:
الا يا عزتا للي سبوقه ما بقي به ريش
الى من حذف عود من المقناص ببلاشي
عقب هاك الليالي اللي مضت وايام طيب العيش
اهاوش لي زعيم بالخطر ما هو بينهاشي
* حمد:
سلمت من العنا ياللي تصل الخيل قبل الجيش
على نجع الرحيل وخيلهم يبرن الادباشي
كفاني من كلامك يا عزيز غير ذا مابيش
تغشش من كلامي وانت يا رجال غشاشي
* عبدالعزيز:
من افخت من حذره أول بتال العمر ما يمديش
انا وياك صرنا مثل برنامج على الماشي
واظن اللي يهرب ما يشاهد مركز التفتيش
ترى ما هو بمامون الخطر لو عاش ما عاشي
* حمد:
اظنك يوم تزهم مقصدك مني تبي بخشيش
وأنا راسي لك الله يا عزيز مابه عراشي
تشب النار مير النار يا رجال ما تحميش
ولا شبيتها رشه من البراق رشاشي