ربع الملعقة

لاسقى الله وادي الطايف اللي مايهاب
فرّق الأحباب ماخاف ربي يحرقه
في نهار السبت يوم السحاب امطر وجاب
تل قلبي واحد ماقدرت أوثقه
تل قلبي من فؤادي وعشاقي غياب
يانهار السبت قله حبيسه يطلقه
ماشراني من حلاله لعله بالذهاب
ولا قدرت أشريه والسرق والله ما أسرقه
نظرة من نجله السود منها القلب ذاب
لو يقول انه من الحور جيت أمصدقه
قلت له ثم قال لي انت شايب مع شباب
ثم نويت أقوم أظني على الموت أسبقه
رحمة مني بمثله ومؤمن بالكتاب
ولايموت المسلم إلا بعد حت ورقه
ولاخسرت ان كان موتي غلاق للنصاب
قبلي التسعة وتسعين ماتوا مغرقه
والسؤال ان كان موتي وحيد بلا جواب
اسئله بالله وش لون رمية بندقه
كان من باب الصداقه ومن بيض أعذاب
لاتطالب بديتي خلها نوع اصدقه
خلها نوع اصدقه واطلب الله بالثواب
خلها نوع اصدقه والقضية مغلقه
والشهود التين والخوخ وضفاف الضباب
يوم جتني وقتلتني بعين محرقه
تقتل العشاق قتل الشريعة للرقاب
والله اللي حطني في هدبها بطفقه
عنق ريم كامل الزين مصيون الجناب
يتعب القناص طرده بطيره وسلقه
مايصيده بالميه كود من رميه صواب
ومن زمت وإلا هفت بندقه لايدرقه
اجتمعنا وافترقنا ولي عنده حساب
كيف أشوفه وإن تواجه ونرعاه أدبقه
يا لطيف الروح مادام في الحكام آداب
الله اللي حكمها ماتريده حققه
لك حمام الطايف ايتوق مع غر السحاب
كامل زينك ولاينقصك ربع الملعقه
يالطيف الروح ذوقتني كاس العذاب
بالتغلي والتزري وانا كاسي ذقه
ذوق كاس ينعش الروح من شلفا ذياب
لين أصير أبنون عينك وبالحلق الزقه