رثاء وبيعة

لا إله الا انت يا رحمن يا رب الوجود
معطي الإنسان عمر ينتهي بالارتحال
كل إنسان» يموت ويندفن وسط اللحود
ما على الدنيا وجود الا مصيره للزوال
بين صبر وبين عبره بين إقبال وصدود
كيف أقنع نفس ثكلى والحزن ثقل الجبال
مات ابو متعب سليل المجد حلال العقود
من جمع بين التواضع والمهابة والجلال
هيبة ملوك توارث مجد من جد الجدود
مع جلال القدر شمس بالمكانه والفعال
والد الشعب السعودي بابتسامته الودود
امتلك نبض القلوب وحبها فوق الخيال
عهده الميمون رحمة عدل بذل للجهود
من أجل سلم يسود الكون كله بالجمال
والله ان فقده مصيبة حزن يفري بالكبود
يالله انك تجعل الفردوس له بيت ومآل
العوض سلمان بحر الخير فكاك القيود
منهل الغيث وسحابه من قديم ولا يزال
هو ملكنا روح شعبه مخلصين بالعهود
مع ولي العهد مقرن نايبه خير الرجال
مع محمد بن نايف سيف تسبقه الرعود
حطم الإرهاب كله من جنوب ومن شمال
شرق والا غرب والا بالمياه وبالحدود
لين صارت مملكتنا بامنها مضرب مثال
الحكم من فضل ربي عندنا ل(ال السعود)
بيعةٍ طول الحياة وعهد تغييره محال