صعبة خياراتي

في نمير الشعر الشعبي زايد الرويس والاختلاف وجهان لعملة واحدة..
لو أقدر أغيّر حياتي! تغيّرت
وأكون آخر شخص ممكن أكونه!
صعبه خياراتي.. وأنا ما تخيّرت
ما فيه أحد يختار دمعة عيونه
كبير.. لكنّي أبد ما تكبّرت
كابرت لو قلبي تكاثر طعونه
أحيان أحس إنِّي من الطيش كثّرت!
لا شفت عقلي يستريح لجنونه
واحيان أحس إنّي معي حيل قصّرت!
لامن وصلت لحلمي وطحت دونه!!
ياما على دروب أمنياتي تعثّرت
مالان عزمي والدروب مغبونه
عليك يا حلمي بالإيمان كبّرت
سدد ديون اللي يسدد ديونه
وأنا الذي حلفت في جوك.. ابحرت
في عالمٍ فيني تحرّك سكونه
ما عشت متضايق ولا قد تكدّرت
من جرحي اللّي ما اقدر احيا بدونه!
في واقعي ما اتذكر إني تأثرت
ألاّ ليا شفت العزيز.. ف مهونه
في وقتها.. لو كان يمدي! تغيّرت
وأكون أي إنسان ممكن أكونه