مرقاب هم

عندي من الدمع مايكفيني ابكي به
ان كان في ظنك تواسيني بدمعك
لا صرت محتاج دمع العين باجيبه
بعيد عن عينك النجلاء وعن سمعك
مانيب جاحد هوى القلب ومطاليبه
وما أنكر اني على منهاجك وشرعك
ومادام حظ البنادم ساتر عيبه
ماهوب في وسعي اغير ولا وسعك
الحب غالب مثلما تغلب الشيبه
ياذا البياض بحلول شتاك ياسرعك
لا تنصدم عاشقك صادق وتدري به
يعشق حضورك ومفتون بدفا طبعك
ممنون لك ما تلفت لعذاريبه
تسقيه من عذب أشجانك ومن نبعك
لكني اطمع بهم في مراقيبه
لا جيت ابرقى شفيع لصوتي ورجعك
هو في خفوقي ولكن صار ترتيبه
يطغى عليه وعلى أوضاعي ووضعك
مليت كذب القصيد وفقر اساليبه
في صوت شاعر يكرر قول وش وقعك
حتى انكر الضيف ترحيبة معازيبه
ماعاد تعرف وجيه عداك من ربعك