خشير الجاش

والله اني يا خشير الجاش سويت الكثير
اجتهدت ولا لقا جهدي من الدنيا اخلفه
ضعت مني وانت كل الربح والحظ الوفير
والبلا لا قدك للي شاف بك وجه احلفه
واوجودي ويش بفعل والبلا كلما استخير
اتعشم باللقا والحال والحظ اصلفه
عونة الله يوم ما عقّب عليّ الحب خير
غير فرقا والشقا طاول بحالي واتلفه
كل يومٍ لا انتشا ذكرك مع جو العصير
تختلسني عبرةٍ مالي بذرفتها اكلفه
تجمع اللي فات لي وياك وتكد الضمير
واقعد انقض في خيوط الصبر واعيد اكلفه
واشبر الحيله وتقصر بي وليل الكبت غير
واثرني بالكبت زدت القلب شوقٍ وازلفه
ويش بيدي كان بفعل يا عسى تال المصير
صدفةٍ تجعل لنا من خيرها جمع اولفه
وان تخالفنا ترى الدنيا مفرقت العشير
وانت ريّح دام ظني فيك ما شي اخلفه
- عامر صالح آل شنيف