كل الدول تشوف جهده بالأعيان **** مليكنا ربي على الخير قاديه

سميت باسم اللي فرض خمس الأركان
المقتدر يميت عبده ويحييه
يا رب نطلب منك رحمة وغفران
ومليكنا يا الله تحفظه وتحميه
كل العرب وأهل الجزيرة والأعيان
وبلادنا مع الخليج ونواحيه
كله تهني بالشفاء طير حوران
زعيم الأمة وعسى الله يعافيه
تسلم يابن صقر الجزيرة كحيلان
عبدالعزيز اللي كبارٍ هقاويه
طيّب وتبقى يا ذرا كل بلشان
يا داعمٍ مجد الحضارة وبانيه
يوم انت رمزٍ للعدالة وعنوان
يا حاكمٍ كلٍّ يشيد بمساعيه
تعطف على الإنسان وحقوق الإنسان
مليكنا ربي على الخير قاديه
كل الدول تشوف جهده بالأعيان
زعيمٍ أثبت للصعايب تحدّيه
واخترت للعالم حوارات الأديان
وسويت شيٍّ غيركم ما يسويه
وسلمان أميرٍ بالمهمات مزبان
دايم ورايه فيه حكمة وتوجيه
وآل سعود اللي لك إخوان وأعوان
الكل منهم طيبات مجانيه
شمر تهنّي ياهل الطيب والشان
مليكنا أهل اللحيسة تهنيه
والعذر منكم يا طليقين الأيمان
ياللي تعرفون القصيد ومعانيه
وختامها صلوا على نسل عدنان
وضّح لنا الدين الحنيف ومباديه
الشاعر/ علي بن نمش الوهبي