أصدق مواساة

مرثية في الشاعر علي بن زيد الفريدي رحمه الله وأسكنه فسيح جناته وجميع موتى المسلمين:
أصدق مواساة التعازي ببن زيد
اللي فجعنا في محرم وفاته
ارفع تعازيه لو الحكي ما يفيد
ما يرجّع المفقود كثرة انعاته
عزيت به نفسي وللابن تفنيد
خالد وباقي أسرته في مماته
مرحوم ياللي عن جميع المناقيد
في راس عيطا والكرم من صفاته
أديب متواضع وبالفكر تجديد
تقدر تسميه المميز بذته
اعزي الابه وفي ذكره اشيد
يدفع رهانه من قرا مذكراته
مثل الذهب والماس في تلع الجيد
موسع خيالٍ سابكٍ مفرداته
احلا من اللي ناجضٍٍ باالعناقيد
كنك تتطعم في السانك حلاته
ماياخذ الا ندرٍ فرع الصيد
عرف وذكا دايم دقيقه ا رماته
نقضه ليامنه تقفاالقواصيد
كم فك مبهم واتعبن مبهماته
مرحوم ياالي باالموا قيف صنديد
اليا استوى هرج الرجل مع اسكاته
له مجلسٍ مايدخله كل هربيد
ولا هل انمه وناس الشماته
خطو العفون اللي عن الواجب تحيد
رجالهم مايهتني في غناته
لافك له معسر ولاعد له فيد
ولاعود اصحابه على ذبح شاته
هذاك لايفقد ولا عنه تنشيد
لولا الحكومه ماصخا في زكاته
يالادمي لابد من طويت القيد
ونهايتك قبرٍ طويلٍ حصاته
مهما تمر من الليا ل السراميد
لابد مالسانك يعود الهاته
وتحط في قبرٍ تجي وصطه اوحيد
يعل ابو خالد يرجحن احسناته
لعل له في جنة الخلد تخليد
في جاه ربٍ يسجدون بصلاته
وعسى الخلف درب السلف يا الاجاويد
مامات من عقبه تمسك وصاته
عقب ثلاثه من خيار الاواليد
ايمانهم تلحق على طايلاته
يعل خطة سيرهم دون تعقيد
ووكلٍ يحقق مطلبه ومنياته
وزكا تحياتي الاسرة ذوي زيد
وسلم سلمة ورحمته وبركاته
ماكبر المسلم وماهلل العيد
على نبي نهتدي بنياته
- غازي بن مغيران الزغيبي