خاف الله

الله يشوف وشايفك كان يخفاك
غط العيون الله من العين يحميك
لو ثانية ياهوه لا ترفع اغطاك
لاتذنب اكثر لا تزيد المهاليك
آخر ضحية خله آخر ضحاياك
اللي يشوف عيونك تموّته فيك
مثلي ومثلي تجبره يتبع اخطاك
تفرض عليه ان شاف ماشفت يغليك
لو ما وصل عمره لعامين يهواك
بس العمى اللي يسلم ان مرّ اراضيك
ولا البصير إن مرّ أراضيك يفداك
عذبت خلق الله كذا كيف يرضيك
ولّعتهم باللي بها الله حلاك
تعلبّهم لعب الأساور باياديك
ماكن لك قلبٍ عن الذنب ينهاك
تضحك ومن هو ميّتٍ فيك يبكيك
ماكنّها كل الخطايا خطاياك
أجمل عيون الخلق خالقك معطيك
وبدال ما تشكره هذي سواياك
خاف الله.. الله قادر إنه يجازيك
ويلك لو الله ما غفر لك وجازاك
باكر تموت وتنتقل عند واليك
وحق الضحايا ياخذه منك مولاك.
نواف الضويحي