ماني ضعيفة

(النايله) شاعرة لها حضورها الخاص أهدت مدارات نصاً زاخراً بالشعر:
البرق لاح وغيم الجو بدري
والنور قفى عن خفايا شعوري
والشرهه اللي وسمت وسط صدري
أخفيتها في غيبتي عن حضوري
والونه اللي فاقت حدود كبري
من كبرها ضاقت عليها بحوري
لاجيت اسطرها بقافي وشعري
من جورها تراعدت بي سطوري
ماني ضعيفه وانت تدري وانا ادري
ولا تقرب فعول الردى باب سوري
ولو كل ما ينقال أثر بقدري
ما صرت انا ولاصار هذا غروري
ولو كل ما جاني شكى منه صبري
وش قيمتي بين الخلايق ودوري
ولو كل من عاتبني اهديه عذري
راحت حياتي بين شوره وشوري
أتعبت نفسي بين مدي وجزري
وضيعت في الثنتين نشوة سروري
وضحيت لاجل الغير بايام عمري
وشفت النتيجه يوم جفت زهوري
وفي لحظة ن وش كنها وليه مدري
تكسرت باقي خلايا جسوري
واستبشروا بعبورهم لي وعبري
وتباشروا يوم اقطعوا لي عبوري
ماهي قويه لو يحفرون قبري
بس القويه لعبهم في شعوري
النايله