هذي الدنيا

قصيدة موجهة للأمير نواف بن فيصل بن عبدالعزيز آل سعود رثاء في والدته الأميرة منيرة بنت سلطان ال سعود:
هذي الدينا كذا هذا يجي ويروح ذاك
نفرح ونبكي وهذي سنة الله في الحياه
يالله انك يااله الكون ماحين سواك
ترحم الي سبحت بسمك مخافه بالصلاه
وارحم ادموع العيون اللي بكت ترجي رضاك
ياسميعن يسمع النمل ودبيبه بالصفاه
وان بكت عينك يابوفيصل مشاعرنا فداك
كلنا نبكي ونشيل عن قلبك عناه
كل دمعه فالاميره لو صفا بالعين ماك
فالصبر يمسح دموع اللي بكى راسن غذاه
والعيون اللي بكت في كل غالي من غلاك
مابكت ياكود غرسن منهمر للناس ماه
شجرتن من غرسها بالجود تثمر في نباك
من ضنا سلطان مع راس الفهد عرقه جناه
واثمرت في طلعتك يانادر وربي حباك
بالتواضع والتسامح وانت للاخلاق جاه
عظم الله اجرك ابماصابك ويجبر عزاك
ويرحم الله من بكت عينك على طوبت ثراه
ويالاهي ترحم حجاج الجبين اللي دعاك
الجبين اللي سجد لك خاشعن لك من تقاه
ياعسى الجنه لها منزال يارب بعطاك
يالاله الواحد اللي كل خلقه في ذاره
ارحم منيره ونور قبرها وعل بحياك
بالسحاب اللي ربابه كنه جبال السراه
اسقها صبح ومساء ديمه عطايا من سماك
لين يصبح قبرها من ريحة الجنه هواه
وعظم الله اجرك انت وخالد ويجبر عزاك
ومن دعا لام المكارم الله يلبي دعاه