حنا هل التوحيد

دولة هل العوجا رفيعٍ علمها
حنا بخير وعز من رب الأنام
من يوم ابوتركي معزي حكمها
اقعد وصف ايديك ياشين الانغام
والنعمة اشكر ربها واحترمها
مظاهرات ابليس عباد الأصنام
ما نقتدي فيها ولا في صنمها
ناسٍ تجمع مثل تجميع الانعام
واللي جمعها من سعدها حرمها
ميدانهم فاشل وللعز هدام
وكل العلوم الطيبات ايهدمها
يا شلة التفجير ياساس الاجرام
سود الكلاب اللي خبيثٍ نسمها
يا راعي الإرهاب قطّاع الأرحام
انكرت منهو موجدٍ لك نعمها
خلك من أهل الخير ممشاك قدام
وارتح وقدر نعمتك واغتنمها
من حارب أهل الدين دربه للإعدام
كم جثةٍ سبعين قطعة لحمها
تراك تحسب من مطافيل الاغنام
وعند العرب ياهون ذبحة غنمها
وينك قبل ميه وخمسة عشر عام
مالك مع اهل الجود حرف بقلمها
يوم الجزيره بين بايع وسوام
يوم ان ابوتركي شهر واستلمها
لولا معزي كان قد راحت أقسام
مير استلمها والمسيره رسمها
حنا هل التوحيد للدين خدام
والمملكة نفخر بها ونخدمها
دولة هل التوحيد شعبٍ وحكام
يا صعبها للي يريد يهزمها
ارض النبي وارض الحرم وارض الإسلام
الله يخزي واحدٍ ما احترمها
واليوم حنا في تحاقيق الاحلام
من يوم ابو متعب تعلا قممها
ريف الأرامل والفقارى والايتام
عز الجزيرة يوم ربي رحمها
وارض الوطن نحميه لو تفنى الاجسام
تفنى العمار ولا يدنس حرمها
أما حياة العز والنصر ووسام
والا الشهادة تحت ركزة علمها
بداح بن محسن بن عبود السهلي