أحمد سديد الرأي

ويطوعون المعضلات الصعايب
وفي طيبك أنت ما بقي شي ينقال
ياسيدي حتى بطيبك غرايب
غرايبٍ من عظمها الناس تهتال
حازم حليم بحل كل النشايب
طيبك عظيم وطبت ياطيب الفال
ياستر يوم الضيق شقر الذوايب
ياريف من حده زمانه على الجال
أنته ذرانا عن سموم اللهايب
بابك وقلبك دوم للخلق مدهال
يوم ان غيرك دون بابه حجايب
أحمد سديد الراي ناقض وفتال
وارث علوم الطيب من راس شايب
ضراه أبو تركي على طيب الأفعال
عبدالعزيز الليث عطب الضرايب
شامت له البيدا طرب يوم الأهوال
يوم المراجل بالظفر والحرايب
وسطر له التاريخ لأجيال وأجيال
حيدٍ شجاع محكم الراي صايب
اللي حماها بأحدب السيف خيال
وارسى حدوده فوق ظهر الركايب
وبراية التوحيد من طيب الأعمال
خلى العباد تصير كله حبايب
وانته على نهجه لنا غيث وظلال
نزبن سموك لاحدتنا المصايب
أحييت نهج العود يا لشامخ العال
اللي رفع وكر الحرار النجايب
على أمن شعبك تسهر ليال وليال
ياقو باسك ما شكيت التعايب
حيثك شجاع معرب الجد والخال
حراً معرب من حراراً عرايب
عون الضعيف اللي حداه اشهب اللال
اللي شكا ضيم الدهر والذهايب
يجيك خايف شاكيٍ ضيق الأحوال
ياسيدي ترضيه ويروح طايب
شوفة سموك سيدي تشرح البال
وضحكة حجاجك بلسمٍ للصوايب
كريم يمنى كنك الغيث هطال
ريف الضعيف اللي حدته النوايب
نرفع لك البيضا على روس الأجبال
راية فخر في عاليات الرقايب
ويامير لو الطيب في شكل رجال
يقول أصير أحمد أو ارد خايب
ولو للظفر والمجد والطيب تمثال
غيرك فلا يزهاه مابه طلايب
دعيت من نزل تبارك والأنفال
يجزاك عن شعبك عظيم الثوايب
ياسيدي لعل تفداك الأنذال
ياخلفة الصنديد جزل الوهايب
فياض عبدالله ناصر الشمري