نفحات المدارات

هناك أبيات من الشعر تمر بنا نقف معجبين بها، ونحاول ان لا ننساها، ونرددها لما ضمنها الشاعر من فكرة أو صورة أو تعبير. أيضاً قد يكون منها أبيات القصائد فعندما تسمع قصيدة يمر بك بيت شعر منها، ضامن الفكرة والصورة والتعبير التي جعلت الشاعر ينظم هذه القصيدة وهو ما يسميه الشعراء بيت القصيدة. هذه أبيات متفرقة من الشعر:
صراحة
أنا بليت بحبكم من هبالي
والا أنت ظل مالنا فيه مقيال
خيرك لغيري والشقى والعنالي
والمشكل اني عارف كل الأحوال
أرمي بروحي في بحرك الزلالي
وتنسفني أمواجك على يابس الحال
* الأمير عبدالله الفيصل
وصية
احذر ترى بالناس مبغض وختال
ماله مراجل غير شذب العراقيب
عن مذهبه خلك على راس ما طال
خله على فاله يشم المغاريب
* الأمير محمد الأحمد السديري رحمه الله
رجولة
كان شفك بغيري يا حياة الروح قلي
انت المخير وانا حقك علي اطوي حبالي
من باعني بالرخاء بعته عسى قربه يولي
والله ما غلي هنوفا عندها ما نيب غالي
والله فلا يطرد المقفين رجلاً يستدلي
خلك بفالك وانا ياصاحبي خلن .. بفالي
* حمد المغيولي رحمه الله
لحظة
انت لي مثل الهواء اللي مايشاف
بس مال النفس من دونه حياة
ياملاك الحسن ناظر لا تخاف
يرفع أطراف الهدب ستر الغطاة
* الأمير عبدالعزيز بن سعود السامر
غزل
عرفت فيك الوجد سلوى الحبايب
لولا الرجاء نفسي قواها نشبها
أعشق سهر ليلك ولانيب تايب
مادام نفسي ماتوقف سببها
منهل حياتي منك وانت السبايب
انت الشقالي وانت تبري عطبها
* الأمير فواز بن عبدالله