حلول اللغز

نشرنا في عدد الاسبوع الماضي لغزاً كتبه الشاعر المعروف ثامر بن محمد القطيم السبيعي وكان نصه:
أنشدك عن رجل يسد اللزومي
له ماقفٍ يصعب على كل رجال
قوي سد ولا يبيح العلومي
وإن قام في واجبه ماهوب ملال
ماله بنات.. وله عيال قرومي
ولولا عياله كان ماجاله افعال
وجاءت الحلول كعادة قراء الجزيرة من مختلف مناطق الوطن الغالي ومعظمها مكتمل الشروط من حيث صحة الحل وسلامة الوزن والالتزام بعدد الابيات.. واصحاب الحلول الصحيحة هم:
لغزٍ تعلا سابحات الغيومي
يمطر جزيلات المعاني والأمثال
اهل العلوم الساميه والسلومي
يستاهلون من اخضر الهيل فنجان
والعلم قفله يالرفيق محكومي
«هذا الصحيح وكلمة الحق تنقال»
محمد عبدالكريم الغزي الزلفي
يامرحبا يابن الرجال القرومي
اللي لهم بالطيب مخرج ومدخال
واللغز غامض جعل حظك يقومي
ياشاعر بالشعر ماجالك امثال
لغزك حكيم وبالبيوت محكومي
ولولا عيال القفل ماجاله افعال
خليف الحربي الرياض
هب النسيم وليّن العود يومي
قفاه مزن والمطر منه همال
يرسل سلامي للرجال القرومي
اهل الكرم مهمب جماعة المال
المال اللي مايسد اللزومي
لاخير في جمعه ولو حفظ باقفال
معجب مطلق الشكره محافظة الافلاج
ياصفحة للمجد دايم ترومي
يامرحبا بك عدما هل همّال
قاموا عليك اهل الوفا والسلومي
وصار التميز فيك تضرب به امثال
وانا بحل اللغز رجل جزومي
للقفل مفتاح وللغز حلال
عطا الله بن سليمان العطا الله الزلفي
قريت لغز واضح يامحشومي
وكتبت حله يابن الاجواد في الحال
والقفل يالصاحب يسد اللزومي
يحرس حلالك من سروق وختال
هندي ثابت الغياثات الافلاج
اهلاً هلا بك عد كل النجومي
يامبدع باللغز والحق ينقال
انا اشهد ان القفل رجل كتومي
ماباح في سره لو ان الزمن طال
عبدالله بن حمد البدر الزلفي
ارسل سلامٍ للسبيعي يدومي
واهل التراث اللي دوامٍ على البال
ياصفحة تافي بكل السلومي
تطربك بعلوم من الجال للجال
ابغى جواب اللغز حوله واحومي
والحل قفلٍ مع مفاتيح تنشال
علي رشيد الرشيد رياض الخبراء
قلبي يتوق لطيبين السلومي
اللي نباهم لابدا يشرح البال
اهل الوفا والعرف واهل العزومي
واهل الطبوع اللي بها العز يختال
يالله عسى حظ هقوا به يقومي
قبل الزمن بالقفل يالربع يحتال
فهد الجروان الزلفي
سلام عد النبت وعد النجومي
لاهل التراث وعالذي لغزه انقال
والحل قفل قاطب ومحكومي
يوثق به الانسان في كل الاحوال
محمد بن عثمان الشهري الطائف
اهدي تحياتي عليكم عمومي
ياهل التراث وصاحب اللغز بالحال
بديت افكر طول ليلي ويومي
باللغز والقيفان وثامر ووش قال
وذكر علي القفل ياهل العزومي
حيث ان عزايمكم عظيمات وجزال
محمد علي السالمي رفحاء
ياللي بدعت اللغز جعلك تدومي
لغزك ثمين ولا على اللغز مدخال
اللغز مثل الطير لازم يحومي
ونا بصير الطير لو طال ماطال
سرعة لقيته قفل دايم كضومي
عياله مفاتيحه على كل الاشكال
محمد عياده العجمي الخرج
ياما حلا المشراف فوق الحزومي
وتشيل من عال المشاريف موال
وشوف الربيع يزيل عنك الهمومي
وحولك فياض العشب والسيل شلال
حليت انا لغز الجزيرة ابيومي
القفل والمفتاح ياشبل الابطال
كريم عيسى العنزي الخرج
لغزٍ على الشعار شفته يحومي
ولابد ماينصاد في كل الاحوال
رجل خدوم وبالمهمه يقومي
)هذا القفل في موقفه خوش رجال(
مشعان الوحداني حائل
لغزك وضح معناه مابه ثلومي
القفل حله والمفاتيح للاعيال
هذا جوابه عل عمرك يدومي
ياثامر ابن قطيم ياطيب الفال
عبدالله الشماس الخرج
اهلاً هلا بك عد شوف الغيومي
واعداد مايهطل من السحب همال
يالصاحب اللي للمعالي ترومي
صنعت لغز ينفع الناس بالحال
«الهاتف» اللي فيه شفت الرقومي
يالله عساه بدايم الوقت شغّال
ابو هاني السعدي المدينة المنورة
يم الجزيرة نرسل الحل دومي
الصفحة اللي عاشقه كل حلال
قفل مفتاح سنونه تلومي
تفتح به الخزنة وتاخذ من المال