حمام المشاعر

يا حمام المشاعر بالغرام اسجعي
ورددي كل ليلة بالقصايد عبير
صبي الشعر بصدور الدفاتر وعي
وأشربي دمعة العزة قبل لا تطير
ودثريني تعبت من الألم والسعي
واعتقي قلبي اللي في كيانه أسير
اشرب اللوم من كف الليالي نعي
والبس الصبر وعيون الوله تستخير
وأجرح الليل بشفاه القلم وأصبعي
تقطر الحلم من روح سناها بصير
آه من ليلة الفرقا ونزف وجعيً
شفت نفسي بزفرات المدامع ضرير
من سجد طيفه المجنون في مدمعي
والمشاعر ما بين البرد والزمهرير
يوم حبه سرق مني ثلاث اربعي
وين ابلقى بسكرات المحبة مصير
وش بقى لي معاه وش بقى له معي
صح عشت ابمعزه بس ماني بخير