حق الحصانة

صب فنجالك وما رابه ونادي في البدايد
واحتماك حط لك وسط الضلوع الحدب خانه
لا تنشدني عن اللي قد كتبته من قصايد
ما سبق حبك هبال وما بعد حبك رزانه
قبل أعرفك كنت أطب السوق ما أحسب العوائد
ومن عرفتك صرت أحسب لمكسبي من قبل أوانه
أذكر الله والله إنه ما بعد حبك فوايد
له مكانة دبلوماسية وله حق الحصانة
والله إنك ساكن قلبي على شم النوايد
يوم غيرك مربة واخطاه رقبتك مكانه
استرح لا ينشغل بالك وكبر في الوسايد
شاعرك بهر لك الدله وزود زعفرانه
صب فنجالك ومارابه ونادي في البدايد
واحتماك وحط لك وسط الضلوع الحدب خانه
هاك ربع في الخفوق وعادتك يابو العوايد
يوم غيرك منوته يمر طرقي في حنانه
ارتشف من مدلهم المزن ووساع البنايد
واستظل برمش عين مالها دونك ميانه
أنت غيث قد تزل بالصدر وأخضر بالجرايد
وانتقالك من خزاين جوهره وأسرج حصانه
أنت عنقود الغرام اللي نبت بالصدر جايد
وأنت عطر الروح وأحلام الهجوس وشمعدانه
وأنت مفتاح الدروب السمر وخطام النجايد
وأنت جبر الخاطر المكسور وأنشودة زمانه
لاتكثر في السؤال ولا تقلب في الزهايد
والله إنك شارب شعري رضاه وعنفوانه
ولاتنشدني عن اللي قد كتبته من قصايد
ماسبق حبك هبال وما بعد حبك رزانه
وبسط بساط السعه وأخذ القدايم والجدايد
أصل حتى قبل أعرفك كان شعري لك عنانه